„Ја чувствувам моќта на боите“ – Внесуваме шаренило во есента преку совршена шминка

Во светот на убавината сме секогаш слободни и смели. Можеме одново да се пронајдеме себеси во секое време, да бидеме храбри и да пробаме нови работи - но секој почеток е тежок. А, оваа есен може да донесе многу промени. Охрабрете се, експериментирајте со бои...без разлика дали ќе се одлучите за боите на есента или пак ќе решите да го разбиете есенското сивило со светли нијанси, ние сме тука да ви ги понудиме соодветните шминки.

Дозволете очите да зборуваат место вас

Вашите очи зборуваат дури и кога не кажувате ништо. Дали маскара, сенка за очи или ајлајнер: Особено кога се нагласени со вистинската шминка, вашите очи навистина можат да заблескаат и маѓепсаат. Доволни се само неколку едноставни чекори за да ја истакнете природната убавина со соодветна маскара или да постигнете ефект на поголеми очи со извонреден избор на сенки. Бидете креативни со шминка за очи! Пробајте драматична шминка за smokey eyes или класично елегантен стил на шминка со црвен кармин и едноставна линија на очните капаци. Најдете го совршениот изглед и освојувајте со вашиот заводлив поглед.

Истакнете ги вашите веѓи 

Дали и вие сметате дека истакнатите веѓи му даваат посебен ефект на вашето лице? Секако! Но, мора да внимавате и на нијансата, бидејќи од неа најмногу зависи колку ќе бидете впечатливи. Без разлика дали сакате тенки, омбре или пак XXL „бушави“ веѓи, во нашите дрогерии ќе го најдете соодветниот прибор за саканиот ефект.

Блескав тен 

Секој човек може индивидуално да ја дефинира совршената шминка. Оние кои сакаат да се шминкаат веројатно поминале низ неколку експериментални фази во кои пробале различни производи и техники за шминкање. Сепак, правилна примена на шминката треба да се научи! За некои е доволно само да се нанесе сјај за усни, други претпочитаат посложена шминка со сенки за очи во различни бои и текстури, ајлајнер, кармин и вештачки трепки. Без оглед на вашиот избор, беспрекорната шминка ќе ви даде хармоничен и привлечен изглед! А, за тоа dm дрогериите се правото место за вас. 
Како да го подготвите лицето за шминкање? Како правилно да нанесете бронзер, руменило или хајлатер? Слушнете ги советите од нашите советнички за убавина во продолжение и пронајдете ги правилните производи за вас.

All About Lips 

Црвените усни се за бакнување - но и розови, кафеави, виолетови! Во dm ќе најдете голем избор на кармини, сјаеви и моливи во многу различни нијанси со кои за кратко време можете да составите прекрасни усни. 

Правилната и убава шминка ќе ги стави усните во центарот на вниманието. Без разлика дали се подготвувате за состанок или за вашата дневна рутина, сензуално нашминканите усни секогаш ќе привлекуваат внимание. Изберете кармин во согласност со тоа која боја е во тренд или со која нијанса се чувствувате најудобно.

Нега на нокти

Сакате убаво негувани раце? Тогаш грижата за нокти е задолжителна! Во само неколку мини чекори можете да постигнете совршено негувани нокти, кои ќе бидат совршен аксесоар на вашиот fashion и makeup look. 

Чекор 1: Темелна подготовка и нега 

Пред да започнете со маникир, треба нежно и темелно да ги исчистите ноктите со средство за отстранување лак и благ лосион за миење. За да ги подготвите ноктите за следните чекори и да ги спречите да се расцепат при обликување и сечење, нанесете масло за нокти по чистењето. Маслото им дава смирувачка влажност на ноктите и ги прави кутикулите меки и еластични. Ова ќе го олесни враќањето назад и отстранувањето подоцна. 

Чекор 2: Обликувајте правилно

Каков облик на нокти сакате? Не е толку лесно да се одлучи за форма. Без разлика дали се тркалезни, овални или квадратни, најдобро е прво да ги исечете ноктите до саканата должина. Откако вашите нокти ќе ја добијат вистинската должина, користете ја вистинската турпија за нокти за да ја донесете посакуваната форма на ноктите и подготвени сте за следниот чекор за маникир. 

Чекор 3: Лакирање

Сега бојата стапува во игра: прво нанесете основен слој кој ги штити вашите нокти од промена на бојата и му дава на вашиот маникир подолго задржување. Потоа обојте ги ноктите со вашата омилена нијанса и направете резултатот да трае подолго со top coat.

Природни шминки

Природната шминка е совршен избор за оние кои сакаат да го истакнат својот природен изглед. Овој стил на шминкање се фокусира на суптилни нијанси кои ја нагласуваат убавината на кожата, без да ја прикриваат. Клучот е во користењето на лесни и прозрачни производи кои овозможуваат кожата да дише. Со природна шминка, вашето лице изгледа свежо и одморено, а истовремено се постигнува и елегантен изглед. Овој тренд е идеален за секојдневни активности, но и за посебни прилики кога сакате да изгледате природно и негувано. Изберете неутрални тонови за очите и усните, и не заборавајте на малку руменило за здрав сјај. Природната шминка е симбол на самодоверба и автентичност.