Пуштам БРК, БРКам здравје!

Hello #movember: Во ноември сѐ се врти околу мажите. Долги, бушави, густи, виткани, исчешлани... брковите и брадите нѐ потсетуваат дека самопрегледот мора да стане дел од секојдневната рутина за нега.

Месецот на мажите го одбележуваме со неколку интересни активности кои можете да ги погледнете во продолжение. На 17 ноември со почеток во 11 часот возиме 2 велосипедски рути со цел подигнување на свеста за машкото здравје. Пријави се тука за рутата која ти одговара и заедно со нас придонеси кон една убава цел. 

Ноември е препознатлив токму по глобалното движење за подигнување на свеста на машкото здравје, а ние традиционално, секој ноември го посветуваме токму на тоа. Во Македонија, карциномот на простата е едно од најчестите заболувања, а ракот на тестиси најчесто се јавува кај мажите на возраст од 18 до 35 години. Затоа, превентивните прегледи се нешто на што посебно сакаме да ставиме акцент овој месец и да ја разбудиме свеста кај мажите за ова. 

Гордо пуштете ги да ви пораснат ноемвриските бркови и потсетете ги пријателите да започнат редовно да прават самопреглед. Време е да почнеме да зборуваме за овие теми!

Нега и козметика за мажи

Мажите исто така се грижат за својот изглед. А широкиот асортиман на производи за мажи во dm нуди сѐ она што му е потребно на модерниот маж за нега на лице, тело и коса, како и за совршено негувана и обликувана брада.

Машкото лице и кожа имаат посебни и различни потреби од женските. Токму затоа, се развиваат многубројни производи за нега на мажи, кои одговараат на нивните потреби. Во последните неколку години, машката козметика доживува вистински BOOM. Денес, по полиците гледаме сѐ повеќе производи за нега на мажите, па така и оние најпребирливите можат да го пронајдат својот вистински производ во дрогериите на dm. А, посебно сме горди на нашите dm марки, кои се специјализирани за машката нега: Balea MEN, SEINZ. и alverde MEN!

Нега на коса за мажи

Шампоните за мажи не се едноставен маркетиншки трик, туку вистинска потреба. Мажите, за разлика од жените, не сакаат да поминуваат премногу време на „средување“. Со други зборови, потребни се практични и брзи решенија. Затоа производите за машката коса имаат малку побрзо и посилно дејство. Проблемите со опаѓањето на косата се многу почести кај мажите отколку кај жените, па многу шампони за мажи содржат состојки кои го зацврстуваат влакното и го подобруваат растот на косата. Затоа, добро размислете следниот пат кога ќе помислите дека е сеедно кој шампон ќе го употребите.

Нега на тело

Дали уживате во чувството на свежина по туширање и истовремено мислите дека туширањето е ритуал кој ви помага да се опуштите по напорниот ден? Ако е така, тогаш геловите за туширање се неопходен производ во вашиот несесер! Тие не само што ви помагаат да ја отстраните нечистотијата, туку и ја хранат, релаксираат, обновуваат и хидрираат вашата кожа. Благодарение на големиот избор на гелови за туширање што можете да ги најдете во нашите дрогерии и нивните освежителни и трајни мириси, гарантираме чувство на релаксација и свежина по секое туширање.

Она што се однесува за шампоните, исто така важи и за геловите: не е сѐедно кој гел за туширање го користите. Познато е дека машкото тело содржи повеќе потни жлезди и затоа ви треба гел прилагоден на навиките и потребите на мажите.

Део средства

Дел стикови, дезодоранси, део гелови, рол-они - без оглед во каква форма тие доаѓаат, животот на мажите е незамислив без овие производи, бидејќи тие даваат чувство на долготрајна свежина по туширање. Но, освен што ги неутрализираат непријатните мириси, тие содржат и антибактериски состојки кои нѐ штитат. Во нашите dm дрогерии можете да најдете голем број на различни део средства, а ние го издвојуваме SEINZ како наш омилен. 48h extra stark дезодоранс 200 мл.

Нега на лице за мажи

Зошто тајно да земате кремови со неодоливи мириси од сопругите и девојките кога имате голем избор на креми за лице во dm направени за да ги задоволат потребите на машката кожа? И сите знаеме дека потребите на мажите се разликуваат од потребите на жените, затоа што кожата на мажите е подебела, има повеќе потни жлезди и знаците на стареење се забележуваат подоцна. Размислете, на пример, за хидратација. Познато е дека бричењето дополнително ја суши кожата. Затоа е неопходно да се користат креми со поголем хидратациски процент. Особено се препорачуваат креми за длабока хидратација. Ако никогаш досега не сте пробале маски за лице, можеби е вистинско време сега да го направите тоа!

Поради сето ова, потребно е да го збогатите вашиот несесер со производи направени специјално за вашите потреби. А, нашата задача е да ви помогнеме да ги најдете сите овие производи за нега на лице во нашите дрогерии и да го свртиме вашето внимание кон фактот дека грижата за лицето воопшто не е комплицирана и дека со малку побогата дневна рутина ќе имате поздрава кожа, што исто така ќе биде добро.

Нега на брада

Во секојдневната нега треба да биде опфатено темелно чешлање на брадата, на пример со чешел со широки запци или четка. Чешлањето ја стимулира циркулацијата на образите и брадата, ја стимулира кожата и ги отстранува мртвите клетки од кожата. Ако брадата не е исчешлана, таа ќе расте во сите правци. И, конечно, маслото за нега им дава сјај на инаку досадните и често непослушни влакна на брадата, а дополнително ги прави помеки. Покрај тоа, маслото ја храни и смирува кожата на лицето. Како алтернатива, постојат тоници за брада, мелеми и гелови за нега на брада кои, како маслото, ги прават влакната на брадата „послушни“и ја одржуваат хидратацијата на кожата на лицето.

Влакната од брада се значително поцврсти и потешко се скротуваат од тие на  косата. Од таа причина, брадата треба да се измива со посебен шампон за нега на брада, со што ќе стане помека и секогаш ќе има правилна форма. Некои „сопственици“ на брада ги мијат брадите со редовен шампон. Бидејќи косата на главата и косата на брадата се многу различни, тоа навистина не се препорачува.

Обликување на брада

По миењето, време е за тримување (кратење и обликување). Колку често треба да ја тримувате брадата со ножици или машинка, секако зависи од посакуваната должина, обликот на лицето и брзината со која брадата расте. Во принцип, брадата изгледа малку неуредно по две недели, затоа ви препорачуваме малку да ја потсредите. „Направете“ јасни линии на образите и вратот. Калапот за обликување на веѓите може да биде корисен со прецизно бричење. Честопати мажите оставаат премногу брада на вратот што ги прави да изгледаат неуредно. Затоа внимавајте посебно на овие делови. Индивидуалните испакнати влакна исто така не изгледаат добро.

Контурите треба редовно да се обликуваат така што брадата ќе има уредна линија. Правите линии, рабовите и аглите генерално изгледаат неприродно. Обидете се да ѝ дадете на брадата закривена, природна форма. Со што ќе ги обликувате контурите, останува на вас. Најбрзо оди со тример, но најтемелно е со жилет.