Суперхрана и хормонална рамнотежа

• Што е суперхрана?
• Суперхрана и хормонална рамнотежа
• Супер храна: природно регулирање на хормоналната рамнотежа
• Рецепти за суперхрана за жени 

Што е суперхрана?

Веќе неколку години, производителите на храна сè повеќе го користат терминот суперхрана (Superfood) при рекламирањето. Овој англиски збор опишува прехранбени продукти со особено висока содржина на хранливи материи. Тие вклучуваат витамини, минерали, микронутриенти, диетални влакна, масти и протеини. Ефектите што го поттикнуваат здравјето често се поврзуваат со суперхраната, која, во секој случај, најчесто не може научно да се докаже. Се исплати внимателно да се погледнат нутритивните информации за 100 грама и да се споредат со секојдневните прехранбени продукти.

Храната на која ѝ се припишуваат таканаречените супермоќи вклучува пред сè семиња, мешунки, житарки, алги, овошје и зеленчук. Добро познати суперхрани се, на пример, авокадо, гоџи бобинки или чиа семе.

Локална суперхрана

Некои суперхрани како киноа, папаја или мача доаѓаат од далеку и евентуално мора да се транспортираат на долги растојанија. Локалните производи затоа сè повеќе доаѓаат во преден план. Локалната суперхрана, исто така, има многу висока содржина на хранливи материи. Покрај тоа, транспортите се пократки и храната често се произведува со органски квалитет. Меѓу суперхраните од Австрија или од соседните европски земји се на пример следниве:

• ленено семе: омега-3 масни киселини, протеини, влакна
• морски трн: витамин Ц
• рибизла: витамин Ц
• ореви: незаситени масни киселини
• просо: железо и протеини

Овие суперхрани се само дел од изборот. На прошетка низ локалните градини со овошје, зеленчук и билки, ќе најдете уште многу други продукти богати со хранливи материи кои дефинитивно ја заслужуваат титулата „суперхрана“.

Суперхрани и хормонална рамнотежа

Секој месец, женските полови хормони ќе се погрижат за тоа да жените доживеат мало возење на ролеркостер со нивните чувства и расположенија: хормоните естроген, прогестерон, LH (лутеинизирачки хормон) и FSH (хормон за стимулирање на фоликулите) не само што ги контролираат репродуктивните процеси, туку можат исто така да преземат и многу други важни задачи во женскиот организам.

Со почетокот на менопаузата, телото го намалува производството на хормони и хормоните можат да излезат од рамнотежа. Ова може да доведе до типични симптоми на менопауза кај многу жени. Но, бременоста, земањето хормонални контрацептивни средства или лекови како и одредени болести, исто така, може да предизвикаат „полудување“ на женските хормони. Како со помош на суперхрана можете да влијаете на хормоналната рамнотежа, дознајте во продолжение.

Суперхрана: Природно регулирање на хормоналната рамнотежата

Без разлика дали пред или по циклусот, за време на менопаузата или бременоста - овие намирници можат позитивно да влијаат на вашата хормонална рамнотежа.

Шест суперхрани за хормонална рамнотежа (научно недокажани):

• сојата содржи изофлавони: овие секундарни растителни материи (фитохемикалии), познати и како фитоестрогени, можат да имаат ефект сличен на естрогенот и да помогнат во ублажување на тегобите во менопаузата.
• Секундарните растителни материи ги содржи исто така и лененото семе. Ова скапоцено семе го поддржува регулирањето на нивото на естроген и освен тоа нè снабдува и со омега-3 масни киселини.
• зелка и видови зелка како брокула или прокељ ја содржат секундарната растителна материја индол-3-карбинол (I3C). Ова може позитивно да влијае врз нивото на естроген.
• темните бобинки како капини, малини и боровинки содржат естроген и прогестерон. Покрај тоа имаат и антиоксидативно дејство.
• оревите можат да постигнат резултат со мали количини на мелатонин, познатиот хормон за спиење кој го контролира нашиот ритам на будење и спиење. Затоа, консумирањето на јаткастите плодови може да обезбеди помирен и подобар сон.
• просото може да има стабилизирачко дејство врз хормоналната рамнотежа и исто така содржи важни хранливи материи како што се магнезиум и витамините А, Е и Б.

Наспроти тоа, за да го одржите нивото на хормоните во рамнотежа, треба да избегнувате процесирана храна колку што е можно повеќе. Таа вклучува, на пример, рафиниран шеќер, кондиторски производи, брза храна и готови оброци, како и сувомеснати производи и сирење. И консумирањето алкохол, исто така, може да има негативен ефект врз нивото на хормоните.

Рецепти со суперхрана за жени

Каква кулинарска магија може да се измисли од овие суперхрани за рамнотежа на хормоните? Имаме неколку идеи за вас:

• лајбици од просо со салата: Формирајте мали вегетаријански лајбици од сварено просо, билки, презла и јајце и пржете ги на маслиново масло. Се служат со свежа салата со ореви.
• тава со брокула и тофу: во вок тава пропржете сечкана брокула и тофу исечкано на коцки со ѓумбир и кромид, а потоа промешајте со соја сос. Зачинете по вкус и послужете со интегрален ориз или тестенини од цели зрна.
• супа од прокељ и орев: Оваа супа направена од прокељ, бел грав, кромид и лук е вистинска суперхрана за душата. Супата се посипува со сечкани ореви.
• каша од просо: Како и овесот, просото е исто така погодно за подготовка на вкусна топла каша. Во кашата додадете ленено семе и неколку малини, боровинки или капини. Со овој појадок ќе направите нешто добро за вашата хормонска рамнотежа.

Ви посакуваме добар апетит !