Органска храна: Дрогеристот Кристина објаснува зошто таа е важна

Органската храна се произведува на строго контролиран начин, при што се следат определени производствени стандарди, според кои не е дозволена  употребата на неоргански пестициди, инсектициди, хербициди, хормони, адитиви и генетски модифицирани супстанци. Доколку пак станува збор за органска храна од животинско потекло, во исхраната на добитокот не е дозволена употреба на хормони за раст и антибиотици. Исто така, почвата на која се одгледуваат органските производи (овошјето и зеленчукот) треба да биде незагадена и да нема присуство на хемиски материи.

Постојат определени сертификати, кои ги содржат сите стандарди кои треба да бидат исполнети, за да определен производ треба да биде класифициран како органски. За да може да го препознаеме таквиот производ, кај нас е  означен со посебна ознака на пакувањето, како подолу на сликата.

Додека пак во Европската унија, се користи следната ознака:

Многу е важна употребата на органските производи во секојдневата исхрана, за да го сочуваме нашето здравје, а секако и да ја заштитиме животната средина.

Со консумирање на органските производи, внесуваме повеќе хранливи материи, како што се витамините и минералите, кои што се неопходни за подобрување на здравјето на секој човек. Исто така, од друга страна се намалува внесот на штетните материи, како што се нитратите и нитритите, коишто ги има во вештачките ѓубрива и имаат негативен ефект врз нашиот организам. Бројот на адитиви кои што се користат во производството на органската храна е строго ограничен и контролиран. Со целокупниот процес на органско производство, се овозможува зачувување на биолошката рамнотежа во природата и зачувување на здравјето на сите живи организми.

Голем избор на органска храна, има во сите наши дрогерии. Еве неколку причини зошто би требало да се одлучите, да ги консумирате овие производи.

Кристина препорачува

Сите сушени овошја, како што се: dmBio кајсии, dmBio урми, dmBio суви сливи, dmBio вишни се органски производи, коишто не содржат штетни материи и што е многу важно не содржат сулфур диоксид кој се користи како конзерванс и придонесува да се задржи природната боја на овие овошја. Од тие причини, нашите пакувани сушени овошја, ја немаат изразената типична боја, којашто ја имаат во свежа состојба, што е секако и нормално бидејќи нема присуство на конзерванси и можете да бидете сигурни дека ќе консумирате здрава храна и ќе внесете природни шеќери и хранливи материи.

Што се однесува за нашите зачини, ќе го посочам dmBio сушениот зеленчук во прав, којшто содржи повеќе видови на органски зеленчук и што е многу важно нема присуство на адитиви како што e мононатриум глутаминат (E621), кој го подобрува вкусот и има многу лошо влијание врз нашето здравје, бидејќи може да предизвика појава на висок крвен притисок, дијабетес, зголемена телесна тежина.

Сите dmBio житарици, се богати пред сѐ со јаглехидрати и содржат многу растителни влакна. Еве неколку интересни факти за спелтата, која влегува во составот на многу органски производи. Спелта е првобитна форма на пченицата, која им била позната на старите Египќани, кои ја одгледувале и кои ја користеле во исхраната. Таа, во споредба со пченицата содржи повеќе протеини, масти, минерали и витамини. Исто така застапени се и многу видови на овесни и р’жани снегулки, кои се идеална форма за појадок, во комбинација со растителни млека, јогурт, а секако како додаток може да бидат и разни видови на јаткасти плодови или сушени овошја. На тој начин ќе добиете оброк, кој ќе ги содржи сите нутритивни вредности, потребни за нормално функционирање на организмот во текот на денот.

За сите оние кои се љубители на колачи, вафли и слатки закуски, може да го направат вистинскиот избор, доколку се одлучат за било кој производ од широкиот избор на органски производи кај нас. dmBio какаото, покрај тоа што се користи за подготвка на вкусен напиток, тој е идеален и се користи и во подготовка на торти, колачи и различни видови на десерти. Специфично за какаото е покрај тоа што е органски производ и е произведено во строго контролирани еколошки услови, процентот на какао мастите (какао путер) е повисок, односно не е обезмастено. Ова е причината, поради што ова какао има пријатен, би рекле чоколаден вкус.

Со неколку збора, би рекле дека органската храна е вистинскиот избор, за здрав начин на живот, затоа што покрај тоа што влијае позитивно врз здравјето на организмот, исто така со овој начин на производство на храна ја штитиме животната средина и ја одржуваме биолошката рамнотежа и хармонија  во природата.