Прашања и одговори со Елена Бубало Михајловска

Компулсивното прејадување (КП) е сѐ почесто присутно и во дадени случаи се идентификува како психолошка состојба за што често е потребна и стручна помош. Ние можеме да дадеме неколку насоки како свесно сами да си помогнете па еве неколку од нив:

- многу често рестриктивните диети знаат да придонесат до оваа состојба, затоа што тоа прави дополнителен стрес и дополнително ја зголемува желбата за јадење. Затоа пробајте да го претворите начинот на исхрана во стил на живот, а не строга диета. Пробајте полека да ги менувате лошите навики, наместо тоа да очекувате да се промени преку ноќ.

• Пробајте да не прескокнувате оброци.
• Распределете ги оброците на 3-5 часа, обидете се да бидат избалансирани, така што ќе ве држат сити од оброк до оброк.
• Пиењето вода пред јадење сѐ уште е добра метода која ќе помогне да се внесе во телото помалку храна.
• Да се внесува храна со повеќе влакна.
• Да се исчисти кујната од процесирана храна, односно да се исчисти домот од грицки кои се консумираат после главно јадење.
• Да се зголеми внес на протеин во секој оброк.
• Доволен сон и јога влијаат позитивно на било која психолошка состојба, вклучувајќи и КП.
• Планирајте ги оброци пред време, не останувајте гладни до последно -  ова спречува прејадување.

Не постои оброк кој ќе ја намали нашата телесна тежина. Водиме сметка на вкупниот внес на калории во текот на денот и практикување на постојан калориски дефицит, со што телото постепено ќе губи вишок на телесни масти. Шејкот како нискокалорична опција ќе помогне во тоа, ќе замени ужинка или ќе замени оброк, во зависност од тоа за каков шејк зборуваме и на тој начин ќе намалиме внес на калории. Заклучок е дека шејкот не нѐ слабее, но ни помага во замена на висококалоричен оброк. Сепак мора да се внимавав и неговиот состав и комбинација.

Слабеење на таргетиран дел од телото е невозможен сам по себе. Односно, не постојат вежби ниту конкретен тренинг што ќе го ослабат тој дел. Вежбите ќе помогнат во тонизирање на мускулите на тој дел од телото, можеби и ќе видиме некој почетен резултат, но вишок на масни наслаги од телото губиме само со регулирање на исхрана, односно со калориски дефицит и внесување на помалку храна од тоа што трошиме. Тогаш, телото нема да троши само од едно специфично место, туку отсекаде каде има вишок.

Доколку се работи за чист протеински шејк направен со вода, препорачувам да пиете веднаш после тренинг за побрзо распределување и апсобција во телото, на кое после тренинг му е баш потребно бидејќи помага во градење на мускулот и во регенерација на оштетени мускулни влакна по вежбањето. Секако после тоа треба да се јаде и оборк, бидејќи протеинот е само суплемент, а не е храна.

Ова е навистина долга тема, за која за да се даде одговор мора да се знае и позадината, односно  стадиумот, големината, периодот на породување. Да, постојат соодветни вежби за ова и со истите треба да се почне што порано, но за жал се индивидуални, а не општи. Секако, препорачувам прво консултација со професионалец. Напомена: Процесот не е едноставен и брз и никој не може да гарантира 100% успех.

Програма за исхрана за деца сметам дека не е потребно, но она што може да се направи за родителите се насоки кои е препорачливо да се следат, од тоа кои намирници комплетно да се избегнуваат, кои умерено и кои најчесто да се внесуваат. Со интересни и лесни идеи и рецепти возможно е да се направи процесот на стекнување нови навики за исхрана поедноставен, односно може да се придонесе кон тоа да се престане со  прекумерно грицкање и дополнителен внес на десерти или друга храна после главен оброк. Но, важно е да се напомене дека ова е потешко да се примени кај деца кои веќе се растени на одреден начин, односно процесот оди потешко, но не е невозможен, додека пак кај малите деца тоа е многу полесно и лесно преминува во нивна навика за понатаму во животот.

За ваков тип на здравствена состојба пред сѐ би препорачала консултација со стручен лекар. Според моето искуство не постои директна поврзаност на исхраната со оваа состојба, но секако треба да се практикува исхрана со низок гликемиски индекс, односно да се внимава на внесот на количината на јаглехидрати, без разлика дали станува збор за здрави јаглехидрати. Би препорачала што помалку внес на процесирана храна, зголемен внес на протеин со што ќе се добие балансиран оброк, како и доволен внес на омега 3 масни киселини преку суплементација или исхрана богата со витамин Д. Секоја друга суплементација и протокол се индивидуални и би препорачала задолжителна препорака и совет од вашиот доктор.

Качувањето на мускулна маса е процес кој во многу случаи е потежок и од слабеењето. Ова е моето искуство до сега, ако зборуваме за дисциплинирани индивидуи кои следат правилна исхрана и тренинг. Но, она што е најважно според мене: калориски суфицит, односно внес на повеќе храна пресметано соодветно на индивидуалните потреби, особено зголемен внес на протеин (не се мисли на протеин само во форма на прашок, туку општо храна која е извор на протеин), тежински тренинг минимум 3-4 пати неделно следејќи соодветна програма, не обични тренинзи. Сон и одмор се MUST, без нив телото не може да гради мускул брзо и  лесно. И секако, трпение и дисциплина.

Секако прашање кое треба да се постави кај вашиот доктор-специјалист. Навистина ова е многу индивидуално, но брзо решливо: Едноставно треба да отидете на еден преглед и да го прашате. На тренерот треба да му ја споделите состојбата, со цел во првите 2-3 недели да внимава со интензитет и вид на тренинг.

Доколку бременоста е нормална се препорачува активност. Во врска со веганскиот начин на исхрана, не би можела да дадам конкретно мислење за ова, навистина е индивидуално прашање, но од моја гледна точка дефинитивно треба да се внимава на доволен внес на протеин кој е многу важен за правилен развој на плодот. А секако тренинзите треба да не се многу интензивни и не треба да го оптеретуваат многу телото.

Планирањето на оброците е индивидуално и тесно поврзано со времето кое го имате на располагање. Мојот начин е таков што моите оброци ги планирам за цела недела однапред, ги приготвувам и ги складирам неколку дена. Немам проблем со консумирање на ладна храна, а ми помага во заштеда и на време, но и финансии. Голема улога игра и количината, односно дали готвите за двајца или шестмина.

Планирањето на храната и оброците ќе ви помогнат и во планирање на пазарувањето, како и на буџетот, а бенефитите се во голема мера и финансиски.

Ништо од тоа не е докажано. Зависи дали и што сте вежбале пред да останете бремена, во каква физичка состојба почнувате да вежбате. На пример атлетичарка трча и цела бременост, бодибилдер продолжува со тежински тренинзи и во бременост, нормално со помала тежина. Јас лично продолжив исто да вежбам но со помал интензитет. Најважна е вашата состојба, дозвола од докторот дека сѐ е во ред и да продолжите со тренизни каде сте застанале, но со намален интензитет.

Оваа состојба сама по себе го отежнува тој процес, заради постојано чувство на замор, забавен пулс, телесната тежина се зголемува дури и со правилна исхрана, а може да имате и болки во мускули и зглобови. Но, факт е дека вежбањето помага во процесот, но мора да најдете соодветен тренинг кој ќе го издржите, кој нема да ве фрустрира. Секако, вашиот тренер треба да знае како да ви направи соодветен тренинг кој ќе го издржите. И нормално треба да сте истрајни во процесот. Исхраната тука игра голема улога. Истата да биде со низок гликемиски индекс, избалансирана исхрана со правилен сооднос на јаглехидрати, протеини и масти. Согласно моите искуства, палео диетата во овој случај покажала добри резултати, но сепак би препорачала за подетални информации на оваа тема да се консултирате со нутриционист и ендокринолог кои се позапознаени со вашата целосна здравствена состојба.

Правило 1: Не можете да потрошите толку колку што можете да изедете. Односно пешачењето и трчањето се одлична активност и двете опфаќаат работа на исти мускулни групи. Тоа ќе го подобри вашето физичко здравје, ќе придонесе до губење на калории во денот, ќе го забрза метаболизам, но самото тоа нема тоа да ве ослабе. Кога станува збор за слабеење, не бирате тренинг кој ќе ве ослабе туку менувате исхрана, правилна, балансирана и со помал калориски внес. Спортуваме за подобра и поздрава мускулатура, подобро кардиоваскуларно здравје, повеќе енергија, лачење на убави хормони. Но, со правилна исхрана и практикување само на трчање и пешачење секако ќе имате резултат. Да напоменам дека конкретно во процес на слабеење многу голема улога има и тежински тренинг.

За оформување на тело односно тонизирање на мускулите важно е соодветно нивно вежбање, но доколку истите се „покриени” со масни наслаги, нема вежбањето многу да ги открие. За тоа ни е потребна правилна исхрана и намалување на внес на калории соодветно на моменталната состојба. Значи, исхраната има голема улога и во самото оформување на телото, секако пропратена со редовен тренинг.

Мотивација е навистина многу тешко секогаш да ја задржиме на високо ниво. Затоа, не треба да се концентрираме на тоа, туку многу повеќе на дисциплина. Откако ќе почнеме со ваков процес, тој станува наше секојдневие и стил на живот. И тогаш го правиме бидејќи знaеме какви сѐ придобивки имаме. Не секогаш ќе станеме од наутро и ќе бидеме мотивирани да вежбаме или да си подготвиме оброк. Но, дисциплината е таа што според мене ја прави основната разлика кај луѓето, па така и нивниот напредок на било кое поле. Секако дека има работи кои можат да ни помогнат: на пример вежбање со другарка /партнер,  со кој меѓусебно ќе се мотивирате. Вежбање во група и даден термин е нешто што многу помага...знаете кога точно морате да отидете, а не цел ден да одолговлекувате и на крај да се откажете. Дополнително вежбањето во група има навистина добра енергија и еден круг на луѓе со кои ќе се дружите пред и после на тренинг, што ви дава дополнителна мотивација да отидете и да го одработите тренингот. Не секој пат можеме да извежбаме исто и имаме иста енергија, но тоа не значи дека треба да се демотивираме, напротив, треба да продолжиме заради градење на дисциплина. Понекогаш е во ред и да прескокнете некој тренинг, но тоа исто не треба да ве демотивира. Едноставно некогаш е потребен одмор.

Секако немаат никаков судир. Она што е важно е да се внимава што се јаде во тие саати, зошто бесцелно би било постењето ако се консумира премногу и неправилно. Внимавајте кога ќе вежбате, направете си план да се совпаѓаат со оброкот, не прескокнувајте оброци, и запомнете: нејадењето е погрешен начин на исхрана.

Не постои таков начин. Односно на секое тело во зависност од моменталната состојба и прекумерна килажа му е потребно различно време и различен начин на исхрана. Магично стапче, апче, чај, масажа, вештачка стимулација, нејадење, рестриктивна диета и слично може само дополнително да го нарушат здравјето. Не е лесно, но нема краток пат. Вежбање, правилна исхрана, истрајност, дисциплина, желба и напорна работа...нешта што сите мора да ги правиме за сопственото здравје, а не да бараме оправдувања.

Дефинитивно е најдобро да се консултирате со вашиот доктор, но еве што јас што можам да препорачам: Не е само исхраната важна. Но кога станува збор за неа, сите знаеме дека е добро да намалиме на внес на сол, кој прави задршка на течности доколку се внесува во преголема количина, а да се зголеми внес на калиум (строго во консултација со доктор ако го внесувате преку суплементи), а преку исхрана можете да го внесете преку компир, банана, спанаќ, мешунки, цитрон, морков. Калиумот му помага на телото во одржување на баланс на количината на течности во телото. Да се намали внес на кофеин, а да се пие повеќе вода. Дополнително пробајте да пешачите и пливате, а лесната физичка активност многу ќе ви помогне во намалување на отоци и ќе делува истите помалку да се појавуваат, дури повеќе и од исхраната.