Надуеност кај жените: Советник

• Надуеност - што е тоа?
• Од каде доаѓа надуеноста?
• Симптоми при надуеност
• Причини за надуеност
• Како да се ослободите од надуеноста? 

Надуеност – што е тоа?

Кога докторите зборуваат за надуеност, тие често го користат зборот „метеоризам“. Тоа води потекло од старогрчкиот збор за „издигнување“ и го опишува изгледот на надуениот стомак, јасно препознатливиот заоблен стомачен ѕид.

За оние кои се засегнати, испакнатоста на стомакот е помалиот проблем. Многу посериозно е со тоа поврзаното внатрешно чувство на подуеност и притисокот во телото, што може да предизвика болки со грчеви. Надуеноста е често придружена со упадливи звуци на кркорење и клокотење на цревата или е поврзана со акумулирање на гасови.

Од каде доаѓа надуеноста?

Создавањето на гасови во цревата е нормална состојба на организмот. Гасот навлегува во цревата преку дишењето и како производ од разградувањето на храната при метаболичкиот процес. Тоа е во суштина азот како и мали количини на кислород, јаглерод и водород односно метан. Вообичаено се произведуваат околу два до пет литри гас дневно, кои се метаболизираат и/или се издишуваат или се елиминираат со испуштање на цревните гасови.

Надуеноста се создава кога или се акумулира премногу гас одеднаш или не може да се елиминира доволно брзо. И двете состојби можат да бидат предизвикани од различни фактори. Поради оваа причина, самиот метеоризам не се смета за болест, туку само за симптом. Се јавува или како резултат на разни болести или поради надворешни околности.

Симптоми при надуеност

Освен видливата испакнатост на стомакот, метеоризмот со себе носи и голем број телесни тегоби. Тука спаѓаат:

• Чувство на подуеност
• Чувство на притисок во пределот на стомакот
• Болки во стомакот
• Јасно чујни звуци на цревата
• Тешка или честа појава на надуеност
• Подждригнување
• Дигестивни проблеми (запек, дијареја)

Во која комбинација и интензитет ќе се појават овие знаци, зависи, се разбира, од индивидуалниот случај.

Важно: Дури и ако тоа може да предизвика непријатност, не треба да се обидувате да ги потиснете цревните гасови ако имате надуен стомак. Ова може да предизвика далеку позагрижувачки телесни реакции како што се вртоглавица, недостаток на здив и болки во градите.

Причини за надуеност

Непријатното чувство на подуеност може да има и органски и индиректни причини. Во продолжение следува преглед на најчестите предизвикувачи.

Храна која „дуе“

Уживањето во храна која „дуе“ е безопасно и одговорно само за краткотрајна надуеност. Во текот на биохемискиот процес на варење, во зависност од видот, може да дојде до зголемено формирање на гасови. Типична храна со овој ефект може да биде:

• Производи од цело зрно (црн леб, ориз, тестенини и слично)
• Мешункасти плодови (како грашок, грав, леќа)
• Овошје
• Зеленчук (на пр. кромид или зелка)

Засладувачите и замените на шеќерот, исто така, можат да предизвикаат надуеност и да имаат лаксативен ефект ако се консумираат прекумерно. Инаку, ниту една од овие информации не е научно докажана.

Инаку: И промена на исхраната, исто така, може да доведе до надуен стомак ако организмот мора да се навикне на непозната храна или количини на нутриенти.

Нетолеранција на храна

За разлика од надуеноста после јадење на храна која „дуе“, надуеноста при нетолеранција на храна е симптом на приоритетната болест. Типични нетолеранции се на пр.:

• Нетолеранција на фруктоза (на фруктоза во овошјето и зеленчукот)
• Нетолеранција на лактоза (млечни производи)
• Целијакија (житни производи, печива)
• Нетолеранција на хистамин (различна храна, како што се црвено вино, јагоди, чоколадо, домати)

Надуеност и менструација

Надуениот стомак е исто така типичен симптом на менструацијата. И пред менструацијата, активноста на цревата се забавува поради хормоните, а мускулното ткиво работи побавно. Ова предизвикува акумулација на гас и столица во цревата. Поради ова, многу жени за време на циклусот страдаат од болки во желудникот, болки во стомакот и запек. Неколку дена по менструацијата, мускулното ткиво на цревата повторно работи нормално и надуеноста треба да се намали.

Бременост и хормони

Кај жените, надуеноста во раната бременост не е невообичаен симптом. Промените и варирањата на нивото на хормоните исто така влијаат на варењето. Забавените дигестивни процеси доведуваат до тоа да со тек на времето може да се акумулираат повеќе гасови, па дури и вообичаената храна може да предизвика надуеност. Во напредната бременост тоа што го отежнува е фактот дека матката со бебето врши притисок врз стомачната празнина.

Всушност, надуениот стомак е почест кај жените отколку кај мажите - ова е поврзано со циклично варијабилниот хормонски баланс.

Нарушувања на гастроинтестиналниот тракт

И други оштетувања на органите за варење, исто така, може да доведат до надуеност. Тука спаѓаат нарушувања на цревната флора (на пример, дисбиоза) или синдром на нервозни црева. Несаканите дејства на лековите исто така може да го нарушат варењето. Ова особено важи за антибиотиците.

Останато: Стрес и сл.

Се разбира, и надворешните предизвикувачи како стресот, на некои луѓе им влијаат на желудникот и дигестијата, што може да доведе до надуеност. Покрај тоа, постојат однесувања кои во принцип немаат врска со метаболизмот, но и покрај тоа предизвикуваат надуен стомак. Ова вклучува, на пример, нездрава техника на дишење со „механичко“ голтање воздух.

Дали би го помислиле тоа? Дури и редовното консумирање гума за џвакање го потпомага надуениот стомак - не поради состојките, туку кога воздухот се голта додека џвакате.

Како да се ослободите од надуеноста?

Надуениот стомак притиска, предизвикува болка и може да ве ограничи во секојдневниот живот. Сепак, можете да направите нешто против чувството на надуеност предизвикано од храна, менструација или бременост: Брзо ослободете се од надуениот стомак - тоа ќе ви успее ако ги следите следните упатства:

• Активност: Движете се. Ако спортувате, возите велосипед или одите на прошетки, ќе имате помалку оптоварување при дигестијата.
• Избегнувајте стрес, особено кога јадете: одвојте време, џвакајте темелно и мирно вдишувајте и издишувајте.
• Умереност: Ако страдате од подуеност, не јадете големи порции одеднаш.
• Опуштете се и спијте доволно.

Домашни лекови против надуеност

За ублажување на акутната надуеност, следниве домашни лекови се испробани и потврдени:

• Активниот јаглен помага во редуцирање на прекумерната надуеност по оброкот
• Топлина: Ставањето шише со топла вода има релаксирачки ефект
• Масажи: Внимателните абдоминални масажи можат да ги „ослободат“ заглавените гасови

Лесно сварливи оброци против надуеност

Ако често имате надуен стомак, избегнувајте прекумерни количини на прехранбени продукти кои „дујат“ или целосно откажете се од нив доколку ви е позната вашата нетолеранција кон истите. Сировиот зеленчук е помалку сварлив од варениот, ако имате тенденција за метеоризам. Позитивно може да делуваат и топлите, не премногу зачинети оброци, како и редуцираната потрошувачка на масти и шеќер.

Со малку претпазливост, познавање на причините и предизвикувачите како и свесен начин на живот, можете да ги ставите под контрола проблемите со надуеноста.