Менструација: Сè за менструацијата

• Што е менструација?
• Дали менструацијата може да се предвиди?
• Типични менструални тегоби
• Какви средства за хигиена да се изберат

Што е менструација?

Зборот менструација потекнува од латинскиот збор „ menstruus“. Значењето според смислата е „месечно“. Логично, бидејќи вообичаено на секои четири недели во матката се случуваат сложени процеси. Матката е обложена со слој на мукозна мембрана во која јајце клетката може да се вгнезди во случај на оплодување. Ако зачнувањето не се случи за време на еден циклус, оваа мукозна мембрана (слузница) се отфрла и се регенерира. Доаѓа до менструација.

Како функционира тоа?

Хормонално контролираното месечно крварење започнува со привремено отворање на крвните садови во слузницата на матката. Во исто време, мускулите на матката се контрахираат. Ова го олабавува ткивото кое повеќе не е потребно и се исфрла заедно со крвта и вагиналните течности.

Зошто е неопходна менструацијата?

Постојат различни теории за суштинската органска неопходност од менструацијата, но всушност не постои научно-медицинско согласување. Како можни причини се наведени „процес на самочистење“ или поповолен „енергетски баланс“ за метаболизмот на матката.

Менструацијата во животинското царство

Освен луѓето, многу малку други видови цицачи имаат менструација, некои од нив се на пример приматите, кучињата или некои видови на лилјаци. Од еволутивна гледна точка, менструацијата во никој случај не е „редовна состојба“.

Кога започнува менструацијата по овулацијата?

Калкулаторот за менструација може да се користи и како помошно средство за планирање на семејството, бидејќи дава информации за плодните денови. Овулацијата се јавува околу средината на циклусот. Оттогаш, јајце клетката мигрира од јајниците во матката. Веројатноста за зачнување е зголемена во оваа таканаречена лутеална или фаза на жолто тело. Пресметувањето на менструалниот циклус може да ги подобри шансите ако сакате да имате бебе.

Колку крв е нормално?

Дури и ако чувствувате поинаку: Просечната загуба на крв за време на менструацијата е само околу 60 милилитри - тоа е помалку од стандардната чаша за шампањско. Само секоја десетта жена има обилно менструално крварење со повеќе од 80 милилитри. Упадливо обилно месечно крварење треба да се разјасни од страна на гинеколог. На пример, атхезии (слепувања) во матката би можеле да бидат причина за тоа.

Времетраење на менструацијата

Девојките обично ја доживуваат првата менструација (менарха) околу дванаесеттата година од животот. Менопаузата или последната менструација се јавува околу 52-та година од животот. Должината на менструалниот циклус варира од жена до жена. Периодот на крвав исцедок се движи во просек помеѓу три и седум дена.

Разлика помеѓу циклус и менструација

Важно е да се направи разлика помеѓу вистинскиот менструален период и „месечниот циклус“, значи периодот од последниот до првиот ден од следното крварење. Еден циклус трае помеѓу 21 и 35 денови. Само кај околу 13 проценти од жените е во просек 28 денови, односно околу еден месец.

Дали менструацијата може да се „предвиди“?

Кај младите девојки како и кај жените кои се приближуваат до менопаузата може да дојде до варирања на циклусот, што е условено од хормоните. Менструацијата исто така може привремено да не биде синхронизирана по породувањето или како резултат на надворешни влијанија како што е стресот. Инаку, почетокот на крварењето може да се предвиди сосема веродостојно.

Предности на менструалниот калкулатор

На интернет има голем избор на калкулатори за менструација, апликации за паметни телефони и шаблони за печатење календари. Водењето менструален календар нуди значителни придобивки. Ја подобрува вашата сигурност во планирањето на активностите и однапред прецизно ќе знаете кога ви се потребни средства за хигиена. Можете исто така брзо да идентификувате сомнителни неправилности во вашиот циклус.

Дали неправилностите се опасни?

Важно е да се следи: Ако изостане менструацијата (без разлика на бременоста) или ако одеднаш имате нередовна менструација, причините треба медицински да се разјаснат. Таканаречената аменореа (отсуство на менструација повеќе месеци) може да има безопасни предизвикувачи, но може да биде и симптом на некоја болест.

Кога започнува менструацијата по овулацијата?

Калкулаторот за менструација може да се користи и како помошно средство за планирање на семејството, бидејќи дава информации за плодните денови. Овулацијата се случува околу средината на циклусот. Веројатноста за зачнување се зголемува во оваа таканаречена лутеална фаза или фаза на жолто тело. Пресметувањето на менструалниот циклус може да ги подобри шансите ако сакате да имате бебе.

Календар на циклуси за спречување на бременост?

„Календарската метода“ е релативно несигурна во споредба со природната контрацепција (со тоа што ќе немате секс во плодните денови). Затоа, никогаш не треба да се потпирате само на календарот за менструација и треба да користите дополнителни контрацептивни средства како на пример кондоми.

Типични менструални тегоби

За многу жени, „оние денови“ се поврзани со менструални симптоми. Кои се тие и дали или колку ќе се почувствуваат како оптоварувачки менструални болки е индивидуално. На ова влијае самиот ден или надворешните околности. Менструалните болки (медицински: дисменореа) се манифестираат како болки „при контракции“ во долниот дел на стомакот. Типични физички тегоби за време на менструацијата се:

• болки во нозете и долниот дел на грбот
• главоболки
• гадење, повраќање, дијареа
• промени во расположението
• нарушувања на спиењето
• чувство на слабост и вртоглавица

Што помага при болки?

Меѓу другото, домашните лекови како топлина (релаксирачки седечки бањи) или билки за менструација како менструалниот чај помагаат за ослободување од грчевите. Внесувањето на железо за време на менструацијата исто така може да помогне да се компензира недостатокот предизвикан од загубата на крв. Не плашете се да побарате лекарски совет ако имате силни менструални болки. Методите на третман со лекови или хормони ги ублажуваат тегобите.

Што е „ПМС“?

Во пресрет на менструалниот период, кај некои жени се развива таканаречениот предменструален синдром (ПМС). Се јавува во втората фаза од менструалниот циклус (по овулацијата) и главно се карактеризира со промени во расположението, стомачни грчеви и чувство на напнатост во градите.

Кои средства за хигиена да се изберат?

За да имате чисто и безбедно чувство за време на менструацијата, постојат практични производи за месечна хигиена.

• Хигиенски влошки или тампони: Апсорбирачките класични памучни влошки и тампони се достапни во различни големини и јачини. Тие се лепат на гаќичките или се вметнуваат вагинално.
• Менструална долна облека: Станува збор за гаќички со голема моќ на впивање кои можат да се перат, и кои може да се носат во текот на менструацијата или како дополнителна заштита за влошките или тампоните.
• Менструални чашки: Ракувањето со флексибилната силиконска чашка бара малку вежбање. Чашките имаат капацитет приближно колку два тампони и треба само да се исплакнат по употреба. Ова ги прави менструалните чашки особено издржливи.

Заклучок

Менструацијата е комплексна тема за која би сакале да дознаете повеќе? Прочитајте и други поопширни статии за оваа и други возбудливи теми поврзани со здравјето на жените на dm.mk.