Калкулатор за овулација

• Калкулатор за овулација - Одредете ја овулацијата онлајн
• Овулација - Кога по менструацијата?
• Калкулатор за овулација: Разберете го вашиот циклус
• Почувствувајте ја и препознајте ја овулацијата
• Колку се веродостојни калкулаторите за овулација? 

Калкулатор за овулација - Одредете ја овулацијата онлајн

Овулација - Кога по менструацијата?

Како по правило, овулацијата се случува околу четиринаесет дена пред крајот на циклусот. За циклус во должина од дваесет и осум дена, ова би било точно во средината на циклусот. Кај жени со подолг циклус, времето на овулација се случува околу дванаесет до шеснаесет дена пред крајот на циклусот.

Како доаѓа до овулација?

Времето на овулација го дели менструалниот циклус на фоликуларна фаза (прва половина од циклусот) и лутеална фаза по овулацијата (втора половина од циклусот).

Фоликуларната фаза започнува на првиот ден од менструацијата. Во еден од двата јајника созрева јајце клетка (ооцит). Јајце клетката се наоѓа во јајчно меурче. Ова се нарекува фоликула. Вистинската овулација го опишува моментот кога фоликулата пука и јајцето се истиснува. Во овој момент, јајце клетката е зрела, но неоплодена. Сега патува низ јајцеводот кон матката дванаесет до дваесет и четири часа. Јајце клетката може да биде оплодена во овој временски период.

Што се случува по овулацијата?

По овулацијата, таканареченото жолто тело се развива од празниот фоликул во јајниците за време на лутеалната фаза. Жолтото тело произведува хормони (прогестерон и естроген). Хормонот прогестерон е важен за можна идна бременост.

Ако спермата ја оплодила јајце клетката, таа мигрира во матката и се вгнездува во слузницата на матката - жената забременува. Ако тоа не се случи, жолтото тело се повлекува, слузницата на матката се олабавува и се исфрла. Почнува менструацијата и започнува следниот циклус.

Плодни денови

Откако јајце клетката ќе се одвои од јајниците, таа е достапна и плодна за спермата. Оваа фаза на плодност трае само околу дванаесет до дваесет и четири часа по овулацијата - исто колку што јајцето патува низ јајцеводот кон матката. За тоа време, спермата мора да стигне до јајце клетката.

Спермата може да преживее во телото на жената околу пет до седум дена и може да ја оплоди јајце клетката и до една недела по сексуалниот однос. Процесот по оплодувањето протекува  во тесен временски рок: најмалку една недела поминува помеѓу овулацијата и оплодувањето на јајце клетката до целосната нидација (вгнездување).

Совет: Врз основа на истите податоци како и за пресметката на овулацијата, и терминот на породувањето може да се одреди со калкулаторот за овулација. При нормален тек на бременоста, раѓањето се случува 38 недели односно 266 дена по оплодувањето. Алтернативно, можете да користите и калкулатор за датум на породување.

Калкулатор за овулација: Разберете го вашиот циклус

Многу жени не се свесни за ефектите на женскиот менструален циклус врз општата благосостојба и физичкото и емоционалното здравје. Особено околу овулацијата, по која следува втората половина од циклусот со лутеалната фаза, може да ви помогне ако практикувате внимателност и се фокусирате на грижата за себе.

Дајте му поддршка на вашето тело

Со овулацијата, хормонот прогестерон значително го зголемува своето ниво и може да предизвика промени во расположението, раздразливост, главоболки или замор. Затоа и не е чудно што втората половина од циклусот предизвикува тага и напријатност кај многу жени. Сепак, често помага да се знае од каде доаѓаат овие чувства или навидум неконтролирани напади на глад. Калкулаторот за овулација дава увид во она што се случува во телото и ги прави поразбирливи фазите на циклусот.

Така, во времето на овулацијата може да биде корисно да се слушате себеси и да почувствувате што му треба на вашето тело и ум. Грижата за себе може да изгледа многу индивидуално. Совет: Исхраната богата со калциум и влакна како и лесните вежби, на пример јогата, може да придонесат за општата благосостојба. Дознајте повеќе за исхраната во циклусот во нашата статија.

Почувствувајте ја и препознајте ја овулацијата

Калкулаторот за овулација ви покажува кога можете да очекувате хормонални промени и плодни денови. Ако сакате, можете да користите и други методи и помошни средства за да ја почувствувате и препознаете овулацијата.

Совет: Тестовите за овулација се особено едноставни и сигурни. Се мери концентрацијата на LH (лутеинизирачки хормон) во урината. Таа се зголемува само околу овулацијата, што може да се измери.

Покрај тоа, постојат и други знаци дека овулацијата претстои, се случува во моментот или неодамна се случила. Многу од овие симптоми на овулација може да се идентификуваат со внимателно следење на вашето тело и користење на специјални методи.

Тука спаѓаат:

• „средна“ болка
• промена во цервикалниот секрет
• промена на телесната температура

Забележливи болки при овулацијата

Многу жени забележуваат болки околу средината на циклусот околу овулацијата. Притоа се работи за таканаречената „средна“ болка или интерменструална болка. Ова се карактеризира со субјективно чувство и може да го почувствуваат оние кои го следат кај себе во различен степен од циклус до циклус, или дури може и да изостане.

Цервикалниот секрет е растеглив

Млечно-матниот цервикален секрет ја менува бојата кон овулацијата и станува сè побистар. Текстурата се менува видливо и опипливо: од леплива и густа се менува во течна и жилава (слична на белката од јајце). На денот на овулацијата е „растеглив“ и може да се тегнат конци од една на друга страна на тоалетната хартија, на пример, кога ќе ја превиткате и повторно ја отворите.

Следење на циклус и овулација: Метод на температура

Може да се измери промена на базалната температура: Во првата половина од циклусот, температурата при будење одговара на редовната телесна температура (околу 36,5 °C). По овулацијата, температурата потоа се зголемува за најмалку 0,2°C до крајот на циклусот. Имајте предвид, таа се зголемува дури по овулацијата.

Колку се сигурни калкулаторите за овулација?

Кога ги пресметувате вашите плодни денови, секогаш имајте на ум дека калкулаторот користи само математички базирана претпоставка. Во реалноста, постојат неколку фактори кои можат да влијаат на овулацијата. Тие вклучуваат, меѓу другото:

• начин на живот (стрес, недостаток на сон, стимуланси)
• телесна тежина
• лекови
• возраст на жената
• болести на јајниците, јајцеводите или матката
• хормонски нарушувања

Калкулаторот за овулација ви нуди можност подобро да ги запознаете вашето тело и циклус и да ги изолирате плодните денови.