Исхрана за време на циклусот

• Циклус и исхрана - поврзаност
• Прилагодете ја исхраната на циклусот - зошто?
• Влијание врз циклусот преку исхраната
• Исхрана, хормони и менструален циклус
• Циклус и исхрана: слабеење, ПМС, совети 

Циклус и исхрана - поврзаност

Промена на расположението, исцрпеност и засилен апетит - симптомите предизвикани од женскиот менструален циклус се разновидни. Дали можете да влијаете на циклусот преку исхраната или повеќе се исплати да ја прилагодите вашата исхрана на циклусот? За да се разбере оваа поврзаност, вреди да се погледнат женските хормони естроген и прогестерон. Овие два хормони се ривали. Нивото на хормоните во крвта се менува во текот на месечниот циклус.

Естрогенот може да влијае на метаболизмот на повеќе начини. Хормонот на пример помага при:

• задржување на вода во ткивото
• производство на протеини
• градење на мускули
• зголемување на мастите во крвта и нивото на холестерол

Прогестеронот може да го зајакне метаболизмот, да го одржува нивото на инсулин стабилно и да помогне во согорување на мастите.

Прилагодување на исхраната на циклусот - зошто ?

Можното влијание на хормоните на различни метаболички процеси и други хормони како што е инсулинот е причината зошто би било оправдано да ја прилагодите вашата исхрана на циклусот.

Нивото на хормоните варира според тоа во кој период од циклусот се наоѓате. Во зависност од тоа, телото може поинаку да користи и обработува одредени хранливи материи. Јаглехидратите, мастите и протеините, како и солта и водата, се користат, складираат и излачуваат од телото различно во одредени фази од циклусот.

Совет: Вашата тежина може да се промени во текот на циклусот иако исхраната ви остане иста. Истото може да важи и за вашиот апетит за одредена храна, како и за задршката на течности во телото.

Влијание на циклусот преку исхраната

Фактот дека хормоните влијаат на метаболизмот е нешто што природата го поставила на разумен начин: имате различни нутритивни потреби во зависност од фазата на вашиот циклус. Телото се обидува да се осигура дека потребните витамини, минерали и микронутриенти се внесуваат во секоја фаза.

Со давање на телото она што му е потребно во секоја фаза, можете да влијаете на циклусот преку исхраната.

Исхрана, хормони и менструален циклус

Внесување преку исхраната на тоа што му е потребно на телото и што го поддржува циклусот - дали тоа навистина функционира? Да, по правило можете со помош на следните совети да ги доведете во склад исхраната, хормоните и менструалниот циклус. Во секој случај, овој прилог не го заменува медицинскиот совет и може да ви даде само напомени. Разговарајте со вашиот лекар ако сакате да знаете што точно е добро за вашето тело.

Исхрана, циклус и менструација

Менструацијата настапува отприлика меѓу првиот и седмиот ден од циклусот. Таа е предизвикана од пад на нивото на хормоните. Во оваа фаза, на вашето тело му се особено потребни одредени хранливи материи, додека пак други можат да ги зголемат менструалните тегоби.

Обрнете внимание на следново:

• генерално се добри многу здрави масти, на пример од авокадо, маслиново масло и риба.
• витаминот А од моркови, тиква и слатки компири може да го потпомогне хормонскиот метаболизам.
• зеленчукот најдобро е да се јаде варен како би се избегнала надуеноста.
• исхраната сиромашна со сол може да ја редуцира задршката на течности.

Совет: Ако често патите од грчеви и мигрена за време на менструацијата, храната богата со магнезиум како што се јаткастите плодови, мешунките или храната од цели зрна може да ви помогне повеќе да се опуштите.

Исхрана и менструален циклус: жена во фоликуларна фаза

Во фоликуларната фаза, телото се подготвува за овулација и можна бременост. Во оваа фаза, телото може да има корист од пробиотската храна. Никулци, кисела зелка или пробиотски јогурт преку добрата дигестија можат да го поддржат вашиот циклус.

Исхрана прилагодена на циклусот околу овулацијата

За време на фазата на овулација, околу средината на циклусот на овулацијата, на вашето тело му требаат многу влакна и може да има корист од внесот на антиоксиданси. Затоа, јадете повеќе зеленчук како на пример:

• брокула
• рукола
• анасон
• сусам

Совет: Многу зачини како што е куркумата се многу добри снабдувачи со антиоксиданси. Колку се поприродно обоени, толку повеќе антиоксиданти обезбедуваат билките и зачините. Иако тоа не е научно докажано.

Исхрана и циклус во лутеалната фаза

По овулацијата, нивоата на прогестерон и естроген обично се зголемуваат. Како резултат на тоа, вашите потреби може повторно да се променат. Следните препораки можат да ја олеснат оваа фаза и да ги намалат симптомите на ПМС кои често се појавуваат кон крајот на циклусот:

• без црвено месо како што е говедското или свинското месо
• храната богата со омега-3 како леќа, ленено семе, продукти од цело зрно и зелен зеленчук може да го поправи расположението
• Б-витамините може да го потпомогнат формирањето на важни супстанции како што е серотонин - тие се содржани во овесните снегулки, бананите, мешунките и производите од цело зрно

Циклус и исхрана: слабеење, ПМС и совети

Сакате да изгубите тежина, страдате од ПМС или недостаток на железо? Со исхрана прилагодена на циклусот по правило можете да му помогнете на вашето тело.

Исхрана и циклус: жените и чоколадото

Особено пред и за време на циклусот, многу жени страдаат од „незаситна желба за чоколадо“. Но, чоколадото е добро за вас само психички, бидејќи шеќерот и мастите не се идеален избор во оваа фаза од циклусот. Но, има добра вест: генерално е дозволено темно чоколадо со содржина на какао од 70 проценти и повеќе.

Циклус и исхрана: губење на тежината

Обично се препорачува да внимавате на вашиот циклус кога губите тежина. Во деновите пред и за време на менструацијата, задршката на течности и зголемениот апетит играат преголема улога, за да може да дојде до ефикасно губење на тежината. Помеѓу менструацијата и овулацијата во принцип е оптималното време за многу спортување и исхрана богата со јаглени хидрати. По овулацијата, препорачливо да се префрлите на диета богата со протеини.

Избегнете ПМС преку исхрана по циклусот

Храната богата со калциум како тикви, лешници или сусам може да го намали интензитетот на тегобите поврзани со предменструалниот синдром (ПМС) и за време на менструацијата, иако тоа не е научно докажано.

Исхрана и циклус - железо

Со менструалното крварење можете да изгубите железо. Вашите резерви на железо обично може да се надополнат со соодветна исхрана. Покрај месото, и јаткастите плодови, интегралните житарки и мешунките можат да бидат добри извори на железо кое може да се искористи. Алтернативно, можете да внесете минерали и преку додатоците во исхраната.

Сакате да дознаете повеќе за вашиот циклус? Прочитајте и како се поврзани негата на кожата и менструалниот циклус и како вашиот циклус влијае на имунолошкиот систем.