Циклусот и имунолошкиот систем
Се чувствувате исцрпено од ПМС, а потоа настинувате - она што за некои жени е реткост, за други е редовна појава. Една од причините за тоа е имунолошкиот систем, кој кај сите луѓе е различно отпорен - и може да биде под влијание и на менструалниот циклус. Тука можете да дознаете зошто е тоа така.
Хормоните и имунолошкиот систем: Естроген
Женскиот полов хормон естроген игра главна улога во сите физички процеси поврзани со сексуалноста и репродукцијата. Но, ова е само една област. Естрогенот, исто така, влијае и на здравјето на коските и придонесува за цврста, сјајна коса. На пример, тоа е причината зошто косата кај жените често станува потенка и побледа по менопаузата. Зголеменото ниво на естроген за време на бременоста обезбедува подобра циркулација на крвта, подобра општа состојба и посебно зрачење на идната мајка.
Естрогенот и нестабилните нивоа на хормони за време на менструалниот циклус на жената може да влијаат на имунолошкиот систем. Всушност, хормоните имаат директно влијание врз имунолошкиот систем и тоа со добра причина: тие се дизајнирани да ја овозможат бременоста и да ги игнорираат другите потреби на телото во овој период.
Циклусот и имунолошкиот систем во текот на месецот
Циклусот грубо може да се подели во две фази:
- фоликуларна фаза од почетокот на менструацијата до непосредно пред овулацијата
- лутеалната фаза од овулацијата до менструацијата
Во првата фаза, високите нивоа на естроген и прогестерон го стимулираат имунолошкиот систем и тој ја извршува својата редовна заштитна функција. Во тоа време, бактериите и вирусите речиси и немаат шанса. Со овулацијата, женското тело се менува. Нивото на хормонот нагло опаѓа во оваа фаза и на тој начин го намалува имунолошкиот систем пред менструацијата.
Зошто? На овој начин, телото сака да се осигура дека оплодената јајце клетка која сака да се вгнезди, имунолошкиот систем нема да ја смета за туѓо тело и нема да ја нападне. Тоа е добра работа ако навистина сакате да забремените, но е помалку пријатно ако сте на контрацепција. Бидејќи имунолошкиот систем е паднат, вирусите и бактериите исто така во овие денови имаат полесна работа. И ете ја настинката.
Улогата на железото во имунолошкиот систем
Минералот кој не треба да се потценува во поврзаноста помеѓу имунолошкиот систем и менструацијата е железото. Многу жени без да знаат страдаат од хроничен недостаток на железо поради месечното крварење. Тоа го ослабува имунолошкиот систем и прави често да се чувствувате млитаво, уморно и неврамнотежено.
Недостатокот на железо може да се подобри со врамнотежена исхрана. Во тоа особено помагаат мешунките и зеленчукот богати со железо, како што е спанаќот или животинските производи како црвеното месо. Покрај тоа, постои цела палета на додатоци во исхраната со железо во форма на таблети или сокови.
Совет: Не потпирајте се на самодијагноза. На вашиот следен здравствен преглед во лекарската ординација, побарајте да ви ја проверат крвта за нивото на железо.
FAQ
Дали полесно се разболувам за време на менструацијата?
Дали полесно се разболувам за време на менструацијата?
Не може генерално да се каже дека полесно се разболувате во текот на менструацијата. Многу други фактори играат улога, особено во случај на инфекции. Се разбира, ако користите преполн јавен превоз секој ден кога одите на работа при што имате контакт со други луѓе, секако може да се разболите побрзо отколку ако возите велосипед до вашата канцеларија. Ако имате чувство дека од пред некое време се разболувате почесто отколку порано, забележете ги временските периоди. На овој начин можете да си разјасните дали вашиот менструален циклус навистина го ослабува имунолошкиот систем или дали се разболувате во различни фази од менструацијата. Во таков случај, треба да направите општа здравствена проверка.
Како можам да го зајакнам послабиот имунолошки систем за време на менструацијата?
Како можам да го зајакнам послабиот имунолошки систем за време на менструацијата?
Ако сте сигурни дека почесто се разболувате во одредени фази од менструацијата, можете соодветно да се подготвите. Зајакнете го вашиот имунолошки систем со дополнителни витамини и минерали како селен и цинк. Пробиотиците исто така имаат репутација за одржување на здрава цревна флора, но ова дејство сè уште не е доволно медицински докажано. Исто така, вреди да се обидете со ѓумбир, бидејќи овој лут корен може да му даде поттик на имунолошкиот систем и да ги ублажи симптомите на ПМС пред менструацијата. Користете повеќе ѓумбир во исхраната, пијте многу чај од ѓумбир или земајте напиток со ѓумбир секој ден.
Свесно грижете се за себе и потрудете се да го зајакнете имунолошкиот систем, особено во зимскиот студен период и редовно правете нешто добро за себе физички и психички. Почестете се со намерни фази на одмор за да го заштитите имунолошкиот систем во овој период на намалена функционалност.
Дали пилулата штити од настинки?
Дали пилулата штити од настинки?
Пилулата може да ја намали шансата за настинка. Очигледно е: ако падот на концентрацијата на половите хормони естроген и прогестерон во втората половина од циклусот предизвикува настинки, вештачките хормони во пилулата треба да му дадат поттик на имунолошкиот систем. Всушност, една студија од Универзитетот Џон Хопкинс во САД открила врска помеѓу земање контрацептивни средства со прогестерон и намален ризик од заразување со грип. Ако мислите дека вашиот циклус негативно влијае на вашиот имунолошки систем, можеби вреди да се обидете да се префрлите на хормонална контрацепција со прогестерон. Најдобро е да разговарате за ова со вашиот гинеколог.
Mivolis
Vitamin C додаток во исхрана, 100 г
ФЛОРАДИКС
Тоник со железо, витамини и билни екстракти додаток во исхрана, 250 мл
naturel
Vitamin C шумливи таблети, 24/1
Rotbäckchen
Vital додаток во исхрана, 450 мл
babylove
чај за добра ноќ, 20 кесички
zdravo bilje
мака во прав додаток во исхрана, 150 г
Mivolis
Железо+Витамин Б+Витаним Б додаток во исхрана, 40/1
Mivolis
Железо+Витамин Ц шумливи таблети додаток во исхрана, 20/1
YOGI TEA
чај, 17 кесички
zdravo bilje
мака додаток во исхрана, 150 г
dmBio
чај, 20 кесички
Крај на листата