Опаѓање на косата во зима: Што да направите?

• Опаѓање на косата во зима: Причини
• Совети против опаѓање на косата во зима  
• Одење на фризер

Опаѓање на косата во зима: Причини 

Кога деновите стануваат пократки, а надвор е студено, и нашето тело се прилагодува на зимата која ни се приближува: Нашата кожа станува посува и бара повеќе нега. Во четката за коса наоѓаме многу повеќе влакна. Што е причината за тоа? 

Природна измена на косата 

Како и кај многу животни, и кај нас во периодот меѓу есен и зима доаѓа до „замена на крзното“: Според природниот циклус на раст на косата, летото ја имаме најмногу. Нејзината функција е да го заштити скалпот од сончевото зрачење. Бидејќи за време на зимските месеци нема толку многу сонце, телото ќе се ослободи од прекумерниот товар. 

Недостаток на витамин Д

Слабото сонце во зима се одразува на нашето снабдување со витамин Д кој се создава во кожата со помош на УВ-зраци. Долгата, студена зима со малку сонце неизбежно предизвикува недостаток на витамин Д, што предизвикува опаѓање на косата. 

Циркулација на скалпот

За време на зимските месеци коренот на косата не е толку добро снабден со хранливи материи, бидејќи циркулацијата во скалпот е намалена поради студените температури. Така косата полесно опаѓа. 

Сушење со фен

Фенот за коса на топол воздух ја оштетува и ослабува косата. Затоа не ја сушете косата на највисоки температури и не го држете фенот премногу блиску до скалпот. 

Cовети против опаѓање на косата во зима 

За време на есенските и зимските месеци косата е особено чувствителна и изгледа оштетено, слабо и опуштено. Затоа е важно за време на есенските месеци обилно да се грижите за вашата коса за да биде сјајна и полна и во зима. 

Избалансирана исхрана

За да го намалите опаѓањето на косата во зима, треба да обрнете внимание на исхрана богата со хранливи материи и избалансираната исхрана. 

Витамин Д

За вашето тело да може да произведе доволно витамин Д во зима, треба да престојувате на отворено, особено кога ќе се појави сонцето. Побарајте совет од лекар дали треба да земате препарати на база на витамин Д за да ги покриете вашите потреби за овој витамин. 

Миење на косата: помалку е повеќe

Во есен и зима косата побрзо се масти отколку во лето. Тоа е затоа што жлездите во скалпот лачат повеќе себум за да ја надоместат сувоста на косата и скалпот. И покрај тоа, препорачуваме да не ја миете косата премногу често во зима. Контактот со вода дополнително ја поттикнува сувоста на косата и скалпот. Кога ја миете косата, најдобро е да користите шампони со смирувачко дејство за скалпот, да ја миете косата со млака вода и темелно да ја испирате со производи за нега на косата. По миењето, маската ќе ја снабди вашата коса со влага и вредни масла. Обидете се да избегнувате, ако е можно, сушење на косата со топол воздух и стилизирање со пегла за коса и други уреди за стилизирање на косата, бидејќи топлината уште повеќе ја суши косата.

Балсам и четка

Балсамот и спрејовите за полесно расчешлување и против опаѓање на косата за време на зимата се особено препорачливи производи за коса, бидејќи така при четкање нема да извлечете уште повеќе коса. Што се однесува до четката, користете мека четка за коса која е нежна кон скалпот и не ја чупа косата од коренот. При сушење не ја тријте косата со пешкир, бидејќи така непотребно ја оштетувате. Наместо тоа, завиткајте ја во пешкир или турбан за коса. 

Хранливо масло за врвовите

Она што често е премногу во коренот, недостасува на врвовите, па тие побрзо се сушат. За да го спречите тоа, препорачуваме нежно да масирате една или две капки хранливо масло на врвовите на косата. Вредните есенцијални масла помагаат да се освежат врвовите на косата и да им се даде повеќе сјај и мекост. Важно е да го избегнувате коренот, бидејќи веќе е добро снабден со прекумерно создавање себум. Со секојдневна употреба можете оптимално да ги негувате врвовите на косата без дополнително оптоварување на коренот.

Одење на фризер

Есента е совршено време да се ослободите од непотребните работи. Освен чистење и средување, посетата на фризерот е исто така многу добра идеја. Ослободете се од сувата, кршлива коса или пробајте нова фризура. Благодарение на шишањето и професионалната нега на косата, вашата фризура повторно станува посветла, а косата изгледа здрава и силна. Препорака: и прекумерниот стрес може да предизвика опаѓање на косата во зима. Затоа дозволете си редовни паузи од секојдневието и разгалете се со обилна нега, добра храна и шолја топол ароматичен чај.