Стрии

• Што се стрии?
• Зошто чешаат стриите?
• Може ли да се спречат стриите?
• Отстранување на стриите

Што се стрии?

Црвеникаво-виолетови или нежно розови, тие светкаат како фини лузни на кожата: Стрии. Промените на кожата, познати и како стрии на раст или бременост, не се реткост, но повеќето жени не се среќни поради тоа.

Нивното медицински точно име е Striae cutis distensae. Тие можат да се појават и кај жени и кај мажи. Меѓутоа, бидејќи жените имаат послабо сврзно ткиво, тие почесто се погодени од стрии на задникот, стомакот, колковите, надлактиците, нозете и градите.

Зошто се формираат стрии?

Стриите не се ништо друго туку мали расцепи во поткожното ткиво: Еластичните колагенски влакна лоцирани таму се кинат кога се истегнуваат премногу. Тоа прави на површината да се појават долните слоеви на кожата. Стриите од растење не се болни, но се непоправливи. На почетокот, стриите се црвено-виолетови (striae rubrae). Со текот на времето тие избледуваат и добиваат бела до розова нијанса (striae albae).

Во повеќето случаи, причината за стриите во ткивото е премногу силно и брзо растегнување на кожата. Ова може да биде предизвикано од следниве фактори:

• бременост
• брзо зголемување на телесната тежина
• прекумерна тежина
• екстремно развивање на мускулите, на пример со бодибилдингот
• нагло израснување во пубертетот

Стриите може да бидат предизвикани и од хормонални промени и разни заболувања.

Колку жени имаат стрии?

Не постојат точни студии за тоа колку стриите се распростанети меѓу женската популација. Сепак, се верува дека меѓу седумдесет и осумдесет проценти од сите жени се погодени од стриите. Околу деведесет проценти од сите трудници ќе забележат стрии на бутовите, стомакот или градите за време на или по бременоста.

Но, фините расцепи на кожата се јавуваат и кај жени кои немале деца. Првите стрии често се појавуваат за време на пубертетот. Ова се должи на таканаречените скокови на раст кај девојчињата на возраст од десет до тринаесет години, а кај момчињата од четиринаесетгодишна возраст.

Според тоа, стриите се сосема нормална физичка промена која се јавува без оглед на возраста и бременоста.

Зошто чешаат стриите?

Новоформираните стрии може да чешаат или жежат. Ова чешање значи дека клетките на кожата се регенерираат: Сопствените гласници на клетките ги иритираат раните во структурата на кожата предизвикани од растегнување. Ова доведува до чешање и жежење. Олеснување нудат влошки за ладење, масажи со масло за тело и редовно нанесување на креми.

Може ли да се спречат стриите?

Ако кај вас ги забележите првите стрии, време е да спречите развој на понатамошни стрии:

• Хранете се здраво и разновидно со многу витамини и минерали. Ова ја одржува кожата во форма.
• Пијте два до три литри вода дневно за да ја одржите вашата кожа оптимално хидрирана. Така таа останува поеластична.
• Редовно нанесувајте на вашата кожа специјални лосиони за тело односно масла за тело и масажа. Во вашата најблиска dm дрогерија ќе најдете широка понуда на креми и масла за стрии.
• Спортот и движењето обезбедуваат добра циркулација и го зајакнуваат сврзното ткиво.
• Масажите и контрастното туширање исто така можат да придонесат за зајакнување на сврзното ткиво.

Исто така, избегнувајте пребрзо зголемување на телесната тежина, бидејќи тоа доведува до стрии кај повеќето жени.

Отстранување на стриите

Што да направите против стриите? Тоа е веројатно прашањето што си го поставуваат повеќето жени со оваа состојба на кожата.

По правило, стриите не можат целосно да се отстранат бидејќи расцепите на сврзното ткиво се многу тврдокорни. Сепак, добрата вест гласи: Со помош на различни методи стриите на градите, стомакот и задникот може да се направат речиси невидливи.

Третман на стриите со ласер

При ласерската терапија, ласерот нанесува мали повреди на поткожното ткиво околу стриите. Уништените клетки се заменуваат со нови. На тој начин дел од ткивото со лузни ќе се поправи.

Терапија со микро-игли

При терапијата со микро-игли, позната и како мезотерапија, тенки иглички продираат во епидермот (површинскиот слој на кожата): преку ситните повреди се обновува кожата во третираните области и се формираат нови клетки и колагенски влакна. Кожата делува позатегната и без брчки. Со таканаречените иглични ролери, овој метод можете да го спроведете и дома.

Хемиски пилинг

При хемиски пилинг, кисела течност се нанесува на стриите за да се отстранат калусите и мртвите клетки на кожата. Ова го потпомага обновувањето на клетките и производството на колагенски влакна.

Бидејќи сите овие терапии се чисто козметички третмани, трошоците не се на товар на компаниите за здравствено осигурување. Најлесен начин да живеете со стрии е да бидете опуштени и позитивни за вашето тело. Последно, но не и најмалку важно, стриите се знак за вашиот развој, вашиот живот и, се разбира, вашето мајчинство, доколку се резултат на бременост. Бидете горди на нив и на себе! Запомнете: Стриите се сосема нормални, повеќето луѓе ги имаат.