Шеа путер за кожа и коса

• Од што се состои шеа путерот?
• Како мириса шеа путерот?
• Шеа путер: Ефект врз кожата и косата
• Како шеа путерот се користи за лице?
• Како шеа путерот ја негува мојата коса? 

Шеа путерот се издвојува со своето сестрано дејство. Богатата формула од незаситени масни киселини како што е линоленската киселина и витаминот Е за измазнување на кожата ги задоволува различните потреби за нега - од сува кожа на лицето и испукани нокти до кршлива коса.

Од што се состои шеа путерот?

Шеа путерот е природен производ: Како суровина се користи плодот од шеа дрвото, кое успева во Африка. Од неговите семиња со традиционална рачна работа се произведува посебен вид путер, кој денес може да се најде во многу козметички производи. Шеа путерот го должи својот негувачки ефект првенствено на следниве активни состојки:

• Се смета дека олеинската киселина е многу богата со витамини. Им овозможува на другите состојки полесно да навлезат во бариерата на кожата.
• Стеаринската киселина се истакнува со нејзините својства за врзување со влага. Освен тоа, бидејќи ја покрива кожата како фин слој, има и заштитен ефект.
• Линоленската киселина е една од омега-6 масните киселини, кои се познати по своите позитивни ефекти. Есенцијалната масна киселина е вклучена во градењето на горниот слој на кожата и ја зајакнува природната заштитна бариера. Така таа придонесува за витална и отпорна кожа.
• Палмитинската киселина им помага на клетките подобро да ја задржат влагата. Затоа е особено погодна за нега на сува кожа.
• Витаминот Е (токоферол) служи како антиоксиданс и го поддржува заштитниот липиден слој. Ја подобрува влажноста на кожата и го спречува создавањето на брчки.
• Со своето антиинфламаторно дејство, алантоинот може да ги смири иритациите на кожата. Тој исто така помага и во создавањето на клетки. Поради оваа причина, маста што содржи алантоин се користи, на пример, за лекување на лузни.
• Бета-каротенот е познат и како провитамин А бидејќи се работи за прелиминарна фаза на витаминот А (ретинол). Овој витамин придонесува за одржување на нормална кожа. Како антиоксиданс, бета-каротенот исто така ги „фаќа“ слободните радикали и делува против стареењето на кожата.

Како мириса шеа путерот?

Путерната растителна маст од шеа јаткастите плодови има мека конзистентност - дури и сама по себе (во чиста форма) е прекрасен производ за нега на кожата и косата. Шеа путерот има арома која малку потсетува на орев. Во зависност од сортата, мирисот се движи од благ до ароматично-зачинет. Со додавање на есенцијални масла, можете да го прилагодите мирисот на вашата крема за нега која сами ја подготвувате според вашиот вкус, односно мирис. Погодни за тоа се на пример маслата од лаванда или еукалиптус.

Шеа путер: Ефект на кожата и косата

Шеа путерот ја измазнува кожата и ја задржува влажноста. Благодарение на неговото антиоксидантно дејство, ги спречува знаците на рано стареење на кожата и придонесува за регенерација на клетките. Karité путерот – како што го нарекуваат и поради неговото потекло – не е добар само за нега на лицето и телото.

Неговото дејство се базира на различни незаситени масни киселини: оваа формула ѝ обезбедува влажност на кршливата, сува коса која е склона кон расцветување на врвовите. Шеа путерот ги измазнува врвовите на вашата коса, правејќи ја посјајна и полесна за чешлање.

Ова се најважните факти за шеа путерот:

• Козметичките производи речиси секогаш содржат рафиниран шеа путер. Преку процесот на чистење, филтрирање и избледување, готовиот производ помалку мириса. Со тоа е и посоодветен за производи за нега на кожа и коса.
• За природни, домашни производи за нега, експертите препорачуваат нерафиниран путер. Тој содржи повеќе хранливи материи и поради недостатокот на ароми и конзерванси особено добро го поднесува кожата.
• Природниот производ е некомедоген (не ги затнува порите, за разлика од кокосовото масло, на пример). Поради оваа причина, путерот е погоден и за типови на кожа кои се склони кон нечистотии.
• Нерафинираниот, чист шеа путер дури може и да се јаде. Во Африка, маснотиите од семките на плодот од шеа (Karité) традиционално се користат како масло за печење и готвење. 

Како шеа путерот се користи за лице?

Нежно измасирајте ја кожата на лицето со мала количина од путерот. Со оглед на тоа што шеа путерот остава слој на кожата, рутината за нега е посоодветна за навечер - за свиленкасто мека кожа наутро. Путерот е исто така идеален како составен дел од вашата самостојно приготвена дневна или ноќна нега. Природниот производ ги храни и сувите, испукани усни. Едноставно нанесете го во чиста форма на устата како балсам за усни.

Совет: Шеа путерот може да се најде како хранлива состојка во бројни креми, лосиони за тело и течни сапуни, па дури и гелови за бричење.

Како можам да ја негувам косата со шеа путер?

Шеа путерот е вистински таен рецепт за природна нега на коса. Со него можете и самите да направите регенератор или маска за коса: Во зависност од должината на вашата коса, земете количина отприлика колку зрно грашок. Накратко загрејте го шеа путерот меѓу прстите за да се стопи во масло. Потоа распределете ја течноста по должина на косата и на врвовите. Шеа путерот делува особено добро на косата ако ја оставите маската да делува нешто подолго. Состојките во маснотиите ѝ даваат на фризурата повеќе сјај и спречуваат расцветани врвови. Сепак, косата може набрзо да изгледа масна од путерот. Затоа, темелно исплакнете ја маската за коса по кратко време од нанесувањето.

Заклучок

Сакате да ја негувате вашата кожа и коса со шеа путер? Тогаш посетете ја вашата најблиска dm дрогерија и откријте ја разновидноста на производите! Без разлика дали се работи за нега на усни, шампон, балсам за нозе и нокти или путер за тело - почестете го вашето лице, тело и фризура со дополнителна нега.