Мермерни украсни јајца од лак за нокти

Понекогаш материјалот потребен за креативен проект може да се најде токму во бањата! Еве една идеја како можете да направите вистински мали уметнички дела со бели јајца и лак во вашите омилени бои.

За мермерни велигденски јајца ќе ви требаат:

• бели јајца (пластични или вистински)
• лак за нокти во саканите бои - овде се користени лакови s.he stylezone color&style црна (440), капина (355) и розова (270)
• ракавици за еднократна употреба
• самолеплива лента или тесна леплива лента
• чепкалки за заби
• висок сад, на пр. празна чаша за јогурт
• стари весници за подлога
• отстранувач на лак и ролна за кујнска крпа

Постапката е едноставна

Прво, заштитете го работното место со стар весник и наполнете чаша за јогурт со млака вода до степен до кој јајцето може целосно да се потопи во неа. Исто така, работете во добро проветрена просторија и носете ракавици за еднократна употреба, за подоцна вашите прсти да не изгледаат шарено како велигденските јајца.

Залепете ги и обојте ги јајцата

Сега залепете самолеплива трака или друга тесна леплива лента околу јајцето.

Потоа едната половина од јајцето обојте ја со розев или бордо лак (слободно премачкајте и преку лентата). Оставете ја бојата добро да се исуши и евентуално бојадисајте со втор слој за бојата рамномерно да ја покрие површината на јајцето.

Оставете го лакот да се исуши и отстранете ја леплива лента

За полесно сушење на јајцата, можете да ги ставите издуваните јајца на стапчиња или чепкалки забиени во картон. Кога лакот ќе се исуши, извадете ја леплива лента од јајцето.

Истурете го лакот во вода

Капете црн лак над површината на водата. Колку повеќе лак користите, толку подоцна бојата ќе биде поинтензивна и потемна. Доколку сакате да користите повеќе бои, се препорачува сите лакови да се отворени, бидејќи тука е важно брзо да се работи.

Нацртајте шема

Со помош на чепкалка за заби или стапче можете лесно да го промените обликот на капката за лакот и да создадете одлични шари кои подоцна ќе го красат јајцето.

Потопете ги јајцата во водата

Сега потопете ја необоената, бела половина од јајцето во вода, брзо и нежно извртувајќи го за да може слојот од лак да се обвиткува околу јајцето. Ако сте премногу бавни, бојата ќе се собере како мрежа на површината на водата. Значи, овој чекор бара малку вежбање. Ако не сте задоволни со резултатот првиот пат, едноставно отстранете ја бојата брзо со средство за отстранување лак и хартиени крпи и обидете се повторно.

Ако мермерирањето е успешно направено, можете да ги вратите јајцата на чепкалките за да се исушат. За следните јајца, едноставно отстранете ја бојата од површината на водата со парче кујнска хартија и ставете нов лак за нокти.

Гранката украсете ја со мермерни јајца

За полесно да ги закачите јајцата на гранката, можете да врзете парче предиво околу парче чепкалка долга 0,5 cm и да ја вметнете чепкалка заедно со предивото во дупката на јајцето.

Забелешка: Не користете тврдо варени јајца за мермерирање со лак, наместо тоа, украсете ги јајцата за јадење со природни бои.