Pro Climate производи во dm. 

Терминот го опишува разградувањето на стратосферскиот озонски слој. Разградувањето на озонот е предизвикано, меѓу другото, од гасовити халогени соединенија под посебни климатски услови и доведува до губење на заштитата од УВ-Б и УВ-Ц зрачење (озонска дупка).

Нашиот процес на неутралност за животната средина следи еден целосен и моментално единствен пристап:

Според еколошките проценки изработени од Техничкиот универзитет во Берлин, ги разгледуваме ефектите во пет области на животната средина (климатски промени, еутрофикација, закиселување, фотохемиски смог, оштетување на озонската обвивка), кои настануваат во текот на целиот животен циклус на производот, од вадење на суровина, производство на материјалот и производот, преку транспортот и употребата до одлагањето. Во развојот на производот на нашите нови Pro Climate-производи се обидовме да ги намалиме овие ефекти што е можно повеќе. Преостанатите, неизбежни влијанија врз животната средина од производството и одлагањето на производите потоа одржливо се компензираат со цел да се даде придонес за повторно воспоставување на еколошката рамнотежа. Со тоа одиме чекор понатаму од климатски неутралните производи кои исклучиво ги неутрализираат емисиите на СО. На овој начин, нашите производи се неутрални за животната средина* и активно придонесуваат за нејзина заштита.
(*Компензација преку ревалоризација на земјиштето за пет категории на животна средина: емисии на CO2, еутрофикација, закиселување, фотохемиски смог, оштетување на озонската обвивка.)

1. чекор: ЕКОЛОШКА ПРОЦЕНКА

Процесот на неутралност на животната средина започнува со еколошката проценка. Заедно со Техничкиот универзитет во Берлин го разгледавме целосниот животен циклус на одредени производи од нашите сопствени марки и ги поделивме во нивните „животни фази“. Производите се еколошки оценети од производството, преку употребата па сѐ до нивното одлагање како отпад. Притоа не само што регистриравме емисии на CO2, туку и влијанија врз животната средина во горенаведените пет области. Врз основа на наодите од проценките на животниот циклус (еколошките проценки), со помош на експерти и производствени партнери успеавме да ги идентификуваме можностите за оптимизација во сите фази од животниот циклус на производот.

2. чекор: РЕДУКЦИЈА

Сега производите можат да се произведуваат со најдобра можна еколошка проценка. Ова вклучува намалена употреба на материјали (суровини и амбалажи) како и промени во производните процеси со цел ефикасно намалување на влијанијата врз животната средина.

3. чекор: КОМПЕНЗАЦИЈА

Во рамките на еколошки неутралните производи на нашите dm марки, решивме преостанатите и неизбежни влијанија врз животната средина што се јавуваат при производството и одлагање на производот одржливо да ги компензираме со нашиот партнер HeimatERBE.

Како дел од производите неутрални за животната средина на нашите dm марки, ние во dm одлучивме да ги компензираме преостанатите и неизбежни влијанија врз животната средина кои се јавуваат при производството и одлагањето на производот заедно со нашиот партнер HeimatERBE на одржлив и причински начин - затоа компензираме до степен до кој се предизвикани. За таа цел, се пресметуваат влијанијата врз животната средина во категориите емисии на CO2, еутрофикација, закиселување, фотохемиски смог и оштетувањето на озонската обвивка по произведен производ и се монетаризираат, т.е. се конвертираат во парични средства со однос 1:1 во поглед на трошоците за животната средина.

Во методата на пресметка, моделот на компензација го следи:

а) стандардот на методата на Сојузната агенција за животна средина на Германија за утврдување на трошоците за животната средина;

 б) постапките за проценка на биотопот на сојузните и државните агенции на Германија за заштита на природата и;

в) постапката развиена на Техничкиот универзитет во Брауншвајг (Braunschweig) за монетизација на влијанијата врз животната средина и компензација.

Пресметаниот паричен износ dm го вложува во еколошка санација на избрани деградирани површини во Германија, особено од рударството и индустриската употреба со ниска еколошка вредност и контаминирани места. Компанијата за компензација HeimatERBE GmbH ги ренатурира овие области или, по интензивно планирање за различно време на развој, ги подобрува на најдобар можен начин во поглед на заштитата на природата. Така на пример, се вложува во нови, отворени предели, сиромашни со хранливи состојки и необработени природни шуми, со што на овој начин долгорочно се создаваат еколошки вредни биотопи. Тие притоа помагаат да се унапреди биодиверзитетот - на пример, со нивните тампон-функции за микроклимата, да се справат со климатските влијанија и да придонесат за одржување на здравјето на луѓето.

Оваа надградба е повеќедимензионална и комплексна, бидејќи не сите области имаат исти проблеми и степен на контаминација. HeimatERBE гарантира разумна компензација што може да се провери во секој детаљ, а која вклучува еколошки трошоци за производство и одлагање на нашите производи. Сепак, не постојат мерки 1:1 за областите според категориите на животната средина, туку преку рамнотежа во однос 1:1 се создава еквивалентна  компензација на влијанијата врз животната средина со целните вложувања.

Покрај тоа, кај одредени категории на влијанија, како што се еутрофикација и закиселување, материјалната компензација не е воопшто можна заради сложените ефекти врз (различните) форми на живот и биотопите. Компензациска „противмерка“ може да биде само поддршка на живеалиштата и формите на живот кои се особено погодени од овие влијанија на друг начин, на пример, со отворање на нови живеалишта за нив. Со цел да се осигураме дека ова ќе се случи квалитативно и квантитативно точно, неопходни се точни и детално разбирливи методи, како во делот „Зачувување на   природата/екологија“, така и во дисциплината „Бизнис администрација (инвестиција)“ со кои обете страни ќе може да ги пресметаат трошоците точно до цент.

Овој целосен пристап е единствен, сеопфатен, комплексен и поскап од само компензација              на СО. За прв пат воопшто, на тој начин мултидимензионално решаваме еден мултидимензионален проблем со животната средина.

Примери:

Во основа мора да се набљудува целиот животен циклус на еден производ, од добивањето на самите суровини, преку изработката, логистиката, па сѐ до неговото одлагање како отпад. Колку еден производ има негативно влијание врз околината зависи од самиот производ. На пример, кај тоалетната харија употребата на суровини и енергија е многу голема во текот на самото производство, додека пак кај детергентите за алишта најштетните влијанија врз околината се во текот во фазата на употреба (перењето).

(*Компензација преку ревалоризација на земјиштето за пет категории на животна средина: емисии на CO2, еутрофикација, закиселување, фотохемиски смог, оштетување на озонската обвивка.)