6-те најздодевни изгореници од сонце!

Дали некогаш сте изгореле од сонце на стапалата? Се надеваме дека не, бидејќи таа болка буквално ве придружува во секој чекор. Дефинитивно треба да ги заштитите овие шест – сигурно донекаде необични делови од телото – од сонцето.

Изгореници на ушите

Не мора да сте во роднинска врска со Дамбо за да ви изгорат ушите. Уживате во сонцето со врзана коса и ушите веќе почнуваат да „горат“. Жените и мажите со кратки фризури се особено изложени на ризик. Наш совет: Носете капа – но, капите може да помогнат само доколку ушите се покриени.

Изгореници од сонце на скалпот

Изгореници од сонце на скалпот - особено луѓето со тенка коса се запознаени со ова болно искуство. Ова особено станува јасно кога ќе ја измиете косата: зацрвенетата кожа на главата не само што изгледа неестетски, туку и навистина предизвикува болка. Како да си помогнете? Имате три опции:

• Исчешлајте ја косата наназад и врзете ја во опавче така што скалпот целосно да биде покриен со влакна.
• Користете спреј за заштита од УВ за вашата коса.
• Секогаш носете капа на сонце.

Изгореници од сонце на стапалата

Изгореници од сонце на стапалата? Да - тоа исто така може да се случи. Имено, кога предолго лежите на стомак на жестокото сонце. Секој кој некогаш доживеал изгореници на стапалата, никогаш нема да заборави да нанесе крема за сончање на оваа област.

Изгореници на усните

Верувале или не, дури и усните можат да добијат изгореници од УВ зраците. Бидејќи кожата во овој предел е многу нежна, процесот на „горење“ на овој дел може да настапи многу брзо. Со првиот солен оброк ќе ги почувствувате последиците од сончањето. Но, можете лесно да се заштитите од ова: балсам за усни со заштита од сонце ја штити нежната кожа на усните од штетните УВ зрачења.

Изгореници по промена на бикинито

Конечно се видливи исончаните рабови од бикинито! Јасен знак дека веќе сте добиле секси летен тен. Но, кога ќе решите да го промените бикинито, тогаш треба да бидете посебно внимателни: ако бикинито има поинаков крој, ризикот од изгореници од сонце во областите што сè уште не се исончани е особено висок. Нанесете поголема количина на крем за сончање и заштитете се!

Изгореници од сонце околу бикинито

Дали ја знаете ситуацијата: Штотуку купивте ново бикини и за да го заштитите од дамки и маснотии, нанесувате крем за сончање што е можно поретко и помалку. Резултат: Изгореници од сонце околу новото бикини. Како да се спротивставите на овој проблем? Едноставно намачкајте се пред да го облечете костимот за капење. Оставете го кремот за сончање да се впие и потоа облечете го бикинито.