Не штедете на креми: правилна нега за трудничкиот стомак и друго

Хормонот естроген прави бремените жени да изгледаат навистина добро. Изразите како „Изгледаш толку среќна“, „Бременоста ептен ти стои“ или „Види колку е убава идната мајка“ не се само убави комплименти, туку имаат вистинска позадина. Чудотворниот хормон се грижи за тоа, водата да се складира во кожата и прави тенот навистина да блесне. Повеќето идни мајки се среќни поради цврстата кожа и одличниот изглед. За жал, постои и непредвидлива негативна страна.

Нега на идната мајка за коса и кожа

Кај некои жени, наместо блескав тен, дел од секојдневието се нечистата кожа, мозолчињата и пигментните дамки. Косата станува масна или кршлива. Како што расте бебето, кожата постепено се растегнува толку многу што може да се појават стрии на градите и стомакот. Со вистинска нега, идните мајки можат да се спротивстават на тоа. 

Производство на себум со полна брзина

За време на бременоста, хормоните навистина го поттикнуваат производството на себум (лој). Тоа може да предизвика појава на мозолчиња. Ако негата пред бременоста била вистинската за вас, таа сега можеби е пребогата. Тоа дополнително поттикнува нечиста кожа.

За борба против стриите, доста ефикасни можат да бидат лесните масажи при капењето, со масажа на стомакот, нозете и градите, богат гел за туширање, како и редовно нанесување на креми или втривање на масла за бременост. Сепак, масажите за нега треба да се избегнуваат непосредно пред породувањето. Наместо тоа, нежно нанесете на кожата масло или крем за нега.

Мрачни времиња за кожата

Доколку сте склони кон пигментни дамки, за време на бременоста треба да се откажете од долгите сончеви денови на плажа. Кожата сега е почувствителна на сончевите зраци. Покрај тоа, телото произведува повеќе од сопствениот пигмент меланин за време на периодот на бременоста. Тоа може и да ги потемни бенките, пегите и брадавиците.

Ако сакате да се спротивставите на овие промени, погрижете се да користите креми за сончање со UVA и UVB заштита и редовно да ги нанесувате. Наш совет: Кремот за сончање Sundance со заштитен фактор 30 ја заштитува чувствителната кожа со широкопојасен UVA/UVB филтер систем од изгореници и слободни радикали - и ефикасно го спречува предвременото стареење на кожата, пигментните точки предизвикани од светлина и формирањето на брчки.

Влакнест изглед

Прво добрата вест: Идните мајки поретко страдаат од губење на косата благодарение на вишокот естроген. Затоа пак понекогаш мора да се борат со сува и кршлива коса. Објавете ѝ војна со богати третмани за коса. За само три минути, идните мајки кои немаат време можат да се погрижат за својата оштетена коса со помош големиот избор на интензивни маски и третмани за коса.

Кај некои трудници, сепак, производството на себум излегува надвор од контрола: страда не само кожата, туку и косата. Тие се мастат премногу брзо. Реагирајте со вистинската нега за коса. Нанесете третмани и балсами само на краевите. Не мијте ја косата со премногу жешка вода и намалете ја топлината на фенот. Жештината исто така дополнително го стимулира производството на маснотии.

Превенцијата е подобра отколку грижата отпосле

Акушерките и гинеколозите препорачуваат и перинеална масажа како подготовка за породувањето. Масажите со благото масло за нега го олабавуваат перинеалното ткиво и го прават поотпорно. Благото бадемово масло и витаминот Е ја зголемуваат неговата еластичност и го штитат од оштетување на кожата.

Инаку, уште за време на бременоста жените можат да ги подготват и чувствителните брадавици за доење.