Еве што би требало да знаете за бременоста

Што ми е дозволено? А што во никој случај? Што може да му наштети на моето бебе и што може да го поттикне развојот? Осум прашања и одговори за бременоста.

1. Дали отсега треба да јадам за двајца?

Не. Не е важно колку ќе добиете на тежина или колку вашиот стомак ќе се зголеми во текот на бременоста. Вашето дете го добива токму она што му е потребно од вас. Важно е само да се храните врамнотежено - за да бидете сигурни дека правите нешто добро за вашето дете. 

2. Дали патувањата со авион сега се табу тема?

Не грижете се, можете спокојно да го резервирате вашиот следен одмор - летањето е безбедно во првиот триместар од бременоста. Меѓутоа, ако страдате од гадење или други тегоби, подобро е да се откажете од евентуалниот напорен лет. 

3. Дали е точно дека и мојот партнер е бремен заедно со мене?

До некоја мера да: Идните татковци понекогаш мора да се борат со слични симптоми на бременост, како што се зголемување на телесната тежина, промени во расположението и гадење.

4. Дали лесно ќе добијам инфекции од пливањето?

Иако сте поподложни на габични инфекции за време на бременоста, квалитетот на водата во базените треба да биде безбеден. Сепак, се советува претпазливост во јавните џакузија - бактериите најбрзо се размножуваат во топла вода!

5. Може ли спортувањето да му наштети на моето бебе?

Напротив: Со редовно движење вашето бебе подобро ќе се снабдува со кислород. Важно е да не се преморувате, да не сте изложени на вибрации и да ви бидат заштитени зглобовите.

6. Дали ќе станам позаборавена кога ќе бидам бремена?

Истражувањата покажаа дека трудниците имаат намалена перцепција и повеќе не можат да се концентрираат толку лесно. Сепак, не грижете се, оваа состојба ќе се нормализира по породувањето.

7. Дали ќе ми се промени сетилото за мирис?

Многу работи што порано сакавте да ги мирисате - како вашите омилени миризливи свеќи или гелот за туширање на вашиот сакан - сега можат да ви предизвикаат гадење. Предност: Алкохолот, цигарите и расипаната храна автоматски имаат одбивно дејство. Природна заштита од нездрави нешта! 

8. Дали постојано ќе бидам уморна?

Вашето тело се подготвува да му обезбеди на вашето дете најдобра можна грижа – вашето срце чука побрзо, крвниот притисок ви се намалува. Бремените жени често страдаат од недостаток на железо, што може да го зголеми вашиот замор.