Зачинети мафини со тиква и спелта

Воодушевете овие празници со еден сосема различен рецепт за мафини! Тајната состојка е зачинот кардамон, кој не се користи многу често, а  одлично се комбинира со различни состојки! Погледнете го целиот рецепт.

Потребни состојки за тестото:

• 200 г dmBio кокосово масло
• 125 г интегрално брашно од спелта
• 180 г dmBio шеќер од шеќерна трска
• 2 јајца
• 2 лажички dmBio прашок за печиво
• 150 г ситно рендана тиква
• ½ лажичка ѓумбир во прав
• рамна лажичка цимет
• 1/3 лажичка мелен кардамон

Подготовка на тестото

Вклучете ја рерната на 190 степени. Измешајте го брашното со прашокот за печиво и зачините (ѓумбир, цимет, кардамон). Изматете ги со миксер јајцата и шеќерот, а потоа додадете ја тиквата. На крајот, додадете брашно и убаво изматете. Ставете ги корпичките за мафини во калапот за мафини и поделете го тестото. Печете околу 25 минути и оставете ги мафините да се изладат.

Потребни состојки за филот:

• 140 г путер на собна температура
• 70 г шеќер во прав
• 80 г dmBio млечно чоколадо

Подготовка на филот

Изматете ги со миксер путерот и шеќерот во прав. Потоа додадете чоколадо, претходно растопено на пареа или во микробранова печка. Соединете ги сите состојки за филот и префрлете го во шприц за филување на торти/колачи.

Потребни состојки за пралине од семки од тиква:

• 1 полна лажица путер
• 2 лажици dmBio шеќер од шеќерна трска
• 50 г dmBio семки од тиква
• малку сол

Подготовка на пралине

Растопете ги путерот и шеќерот во прав во сад за готвење, додека не започне да врие, а потоа додадете ги семките од тиква и солта. Измешајте ги сите состојки, па пржете ги додека не добијат боја. Истурете ја смесата врз хартија за печење и оставете ја да се излади. Ова ,,пралине’’ искршете го на ситни парчиња, така што ќе ги ставите во подебела кеса  и ќе ги иситните со тврд предмет.

На веќе изладените мафини, со готварски шприц, распоредете го филот. Потоа, наросете со иситнетото пралине. Вратете ги мафините во ладилник, за уште малку да се изладат.