Тортелини со ароматичен песто сос

Уживајте во вкусот на домашно подготвени тортелини во ароматичен песто сос. Лесен оброк кој може да го подготвите за само 15 минути во оние моменти кога посакувате сочен ручек, а немате време да поминувате часови во кујната!

Потребни состојки:

• 250 г dmBio тортелини со рикота и спанаќ
• 250 мл неутрална павлака
• 2 лажици dmBio песто сос
• 1 лажичка dmBio сенф
• 1 лажичка оригано
• ½ лажичка лук во прав
• сол и мелен црн бибер по вкус
• 2 лажици dmBio веган пармезан

Подготовка

Најпрво во сад за готвење, на оган во зовриена солена вода сварете ја пастата околу 10 минути. Во тавче, на страна загрејте ја неутралната павлака, зачинете со сол и мелен црн бибер по вкус, лук во прав и суво оригано. Додајте го сенфот и песто сосот. Промешајте и додадете ја зготвената паста. Оставете ја смесата на оган уште 2-3 минути.

Додадете го и веган пармезанот и сервирајте!