Печена тиква со карфиол и сино сирење

Тиквата е идеална и за солени јадења, бидејќи одлично оди со повеќето други зеленчуци - исто како што оди добро со многу сирења.

Потребни состојки:

• 500 г тиква
• 400 г карфиол
• 120 г dmBio ореви
• 120 г сино сирење
• 100 г брусница
• сол
• маслиново масло
• 30 г путер
• 50 мл млеко
• 2 лажици dmBio јаворов сируп
• малку свежа или сува жалфија

Исечете го карфиолот на мали цветчиња, полејте го со маслиново масло и сол. Исечете ја тиквата на помали коцки и зачинете ја со жалфија. Во исто тавче ставете ги тиквата и карфиолот – карфиолот на една страна, а тиквата на друга страна (не мешајте). Тавата ставете ја во рерна загреана на 180 степени и печете додека двете не омекнат. Додека зеленчукот се пече, исечкајте ги оревите и синото сирење. Целиот печен карфиол и околу 1/2 од печената тиква префрлете ги во сад. Додадете го путерот, па употребете гмечалка за пире за да се изедначи смесата. Потоа додадете го јаворовиот сируп и млекото. Во пирето се додаваат останатите коцки тиква и: сечкани ореви, сино сирење и брусница (остатокот е за декорација). Измешајте сè и префрлете го во мал сад за печење. Печете околу 20 минути на 180 степени. Извадете ги и украсете ги со преостанатите ореви, брусница и сино сирење - потоа вратете го кратко во рерна да се растопи кашкавалот. Послужете веднаш.