Слатки равиоли

Потребни состојки за тестото:

• 270 г брашно тип 550
• 15 г dmBio какао
• 3 јајца, големина S

Потребни состојки за филот:

• dmBio намаз од кокос со какао
• dmBio кајсии без семки

Потребни состојки за сосот:

• 1 лажица dmBio кокосово масло
• 3 лажици путер од бадем
• dmBio сируп од агаве
• dmBio ванилин шеќер
• dmBio кокосово млеко во конзерва

Подготовка

Прво подгответе го тестото така што ќе ги соедините сите состојки. Доколку имате миксер кој може да замеси тврдо тесто, употребете го него. Тестото замотајте го во проѕирна фолија и оставете го да отстои 20-30 минути, после што ќе биде подготвено за употреба. Доколку користите машина за тестенини и калап за равиоли, ќе имате доволно тесто за 36 равиоли (3х12). Во случај да користите оклагија или чаша, или ротирачки секач за тесто/пица, зависи колку парчиња ќе ви излезат од тоа колку ќе го растегнете тестото и колкави ќе бидат равиолите.

Од истите причини, не може да се наведат точните количини од намазот и кајсиите за филот. За количината од околу 36 равиоли, ќе ви бидат потребни 2/3 од пакувањето од намазот и половина кесичка кајсии (околу 100 г).

Што се однесува на сосот, иако делува едноставен – претставува неверојатно ремек дело на вкусови. Четирите производи кога ќе ги ставите во еден сад за готвење, ќе добиете кремасто чудо. Прво стопете го кокосовото масло на ниска температура, па додадете го путерот од бадем. Кога малку ќе се стопи, додадете ја ванилата и засладувачот, по вкус. На крај додадете го кокосовото млеко, исто така по вкус и постојано мешајте. Сосот може да биде и погуст и поредок – онаков како што вие го сакате.

Може да сервирате со црвен бибер или пак со некое овошје.