Салата од киноа и сладок компир: Совет за dmBio рецепт

Разнобојно  искуство на вкусови кое кога ќе се стави во чаша е совршено да го понесете заедно со вас. Печен сладок компир, топла киноа и свеж бејби спанаќ ја прават оваа салата класичен рецепт.

Блогерката за храна Ева Фишер ни открива и како!

Состојки за 2 лица:

• 125 г dmBio три вида киноа  
• 1 калинка  
• 2 раце свежи листови бејби спанаќ  
• 4 лажици dmBio бадеми  
• 2 млади кромитчиња  
• ½ китка од нане и коријандер  
• 2 слатки компира  
• 2-3 лажици dmBio мед или dmBio јаворов сируп  
• 2 лажици семе од сусам  
• ½ лимон  
• 400-500 мл вода (киноа)  
• 3 лажици dmBio маслиново масло  
• околу 4-6 лажици оцет Condimento Bianco 
• сол и црн пипер

Подготовка

1. Загрејте ја рерната на 180°C, рерна со вентилатор на 200°C (горна/долна топлина). Излупете го слаткиот компир и исечете го на коцки од околу 1 цм. Слаткиот компир ставете го на тава обложена со хартија за печење, прелијте го со маслиново масло и мед/јаворов сируп, посипете со сол и сусам. Печете во рерна на средната решетка околу 25 минути додека слаткиот компир не поцрвене. 
2. Измијте ја киноата во цедалка под млаз вода додека водата не стане бистра. Потоа оставете ја киноата да се готви во вода која веќе врие околу 20 минути. 
3. Во меѓувреме измијте го младиот кромид и исечете го на ситни кругови. Нането и коријандерот измијте ги, исушете ги, отстранете ги листовите и ситно исечкајте ги. Исечкајте ги и бадемите, исчистете ја калинката и исцедете го лимонот. Измијте го спанаќот и ставете ги сите состојки во сад за салата. 
4. Готовата киноа и коцките од сладок компир оставете ги малку да се изладат и измешајте ги со останатите состојки во садот. 
5. Направете маринада од маслиново масло, оцет, сок од лимон, мед или јаворов сируп, сол и бибер и со неа маринирајте ја салатата.  
6. За да уживате во веганска салата од киноа, едноставно заменете го медот со јаворов сируп.

Ева Фишер од foodtastic.at

Блогот на Ева foodtastic.at е еден од најпознатите блогови за храна во Австрија. Нејзините безглутенски рецепти се полни со енергија и уживање. Со многу креативност, знаење и искуство, таа создава вистинска експлозија на вкусови од внимателно избрани состојки. Повеќе рецепти можете да најдете и во нејзините готвачи.

„Исхраната не значи само јадење и пиење. За мене тоа е најубавата животна потреба. Тоа ме инспирира, ме храни, ме грее и ме зближува со моите најблиски. Затоа што има ли нешто попријатно од храната?“