Палачинки со козјо сирење, цвекло и ореви

Велат дека розовата боја претставува сочувство, позитивност, љубов, добрина, грижа и ги смирува силните емоции. Ако некој не сака да се шминка или да се облекува во розово, секогаш може да ја има оваа боја на чинијата.

Потребни состојки за фил:

• 100 г козјо сирење
• 20 мл сок од цвекло
• 1 лажица рен
• 60 г dmBio ореви

Оревите исечкајте ги така што ќе бидат меѓу мелени и ситно сечкани. И додадете козјо сирење, сок од цвекло и рен. Исечкајте го сирењето целосно за да добиете кремаст фил, кој лесно се мачка. Во зависност од типот на сирење што го користите, можете да додадете повеќе сок од цвекло. Истурете го филот во сад и додадете ги оревите, а потоа измешајте сè и ставете го во ладилник додека ги печете палачинките.

Потребни состојки за палачинки:

• 1 сварено цвекло
• 1 јајце
• 160 мл алпско млеко
• 60 г брашно тип 550
• 1 лажица dmBio сончогледово масло

Свареното цвекло исечено на парчиња и млекото ставете ги во сецко. Се сечка убаво, за целосно да се соединат млекото и цвеклото. Додадете ги маслото и јајцето и измешајте уште малку. На крајот додадете го брашното и кратко изматете го. Печете ги палачинките на вообичаен начин.

Декорација:

• по избор: калинка, цвекло, ореви

Наполнете ги палачинките со фил од козјо сирење, ставете ги во чинија и декорирајте со калинка, сечкано цвекло и ореви.