Ролат со мисиркино месо, киноа и спанаќ

All in one рецепт, кој содржи јаглени хидрати, протеини, масти и зеленчук!

 Потребни состојки за тестото:

• 120 г путер
• 200 г брашно тип 550
• 1 јајце (помало)

Подготовка

Исечкајте го путерот на коцкички и изладете го. Потоа измешајте го со брашното, за да се добие смеса како песок (може тоа да го направите и со рака). Додадете го јајцето, замесете тесто, замотајте го во проѕирна фолија и изладете го во фрижидер. Потоа, меѓу 2 листа хартија за печење, развлечете правоаголник со димензија околу 37 х 30 цм.

Потребни состојки за спанаќот:

• 250 г baby спанаќ
• сол

Подготовка

Посолете ја водата во која ќе го варите, а потоа ставете го во водата – за да омекне. Веднаш потоа прелијте го со ладна вода, за да се прекине варењето, а спанаќот да ја задржи зелената боја. Оставете убаво да се исцеди.

Потребни состојки за филот:

• 90 г dmBio киноа
• 1 dmBio коцка за супа
• 35 г мелено мисиркино или пилешко месо
• 1 кромид, ситно сечкан
• ½ батат, ситно изрендан
• 2 чешниња лук, ситно сечкани
• мајчина душица
• црвен пипер
• путер
• 1 белка
• сол и бибер

Подготовка

Сварете ја киноата според упатствата на кесичката – само во водата во која ќе ја варите, ставете една коцка за супа. Загрејте го путерот, па на него пропржете го кромидот. Кога ќе омекне, додадете го и лукот, а потоа и месото, бататот и зачините. Кога месото малку ќе се излади, додадете ја сварената и изладена киноа и белката – и убаво измешајте.

Останато

• 50 г презла или сомелени овесни снегулки
• 1 жолчка
• 1 лажица млеко
• За сервирање: Арабијата сос

Загрејте ја рерната на 200 степени. На развлеченото тесто ставете го исцедениот спанаќ и посипете го со презла. Преку спанаќот распоредете го филот од месо и киноа.

Замотајте во ролат и преместете го во сад за печење обложен со хартија за печење. Жолчката изматете ја со млекото и премачкајте го ролатот. Посипете го со сусам, намалете ја температурата на рерната на 190 степени и печете околу 25-30 минути.