Веганска и протеинска „Грчка мусака“

Во сезоната на топли летни денови, најчесто избираме лесни протеински оброци со многу зеленчук. Она што веќе го знаеме е дека протеините не мора секогаш да бидат јајца, риба, месо, сирење - можеме да се свртиме и кон растителни извори.

Потребни состојки за филот:

• dmBio маслиново маслo
• 2 кромида
• 3 чешниња лук
• 1 лута пиперка
• 200 г dmBio димено тофу
• ½ лажиче dmBio цимет
• сол и бибер
• 30 мл dmBio пире од домат
• 400 г dmBio домат во конзерва

На маслиново масло пропржете го кромидот и кога ќе омекне додадете го лукот и лутата пиперка. Сол, бибер и зачинете со цимет. По неколку минути, додадете сечкано димено тофу и пропржете сè заедно. На крајот, истурете ја доматната паста и конзервираните домати - потоа гответе го сосот неколку минути.

Потребни состојки за бешамел сос:

• 350 мл dmBio напиток од индиски орев
• 20 г густин
• 15 г квасец
• сол
• ½ лажиче морско оревче

Во тенџере ставете 300 мл од напитокот - а останатите 50 мл истурете ги во сад, измешајте густин, квасец, сол и морско оревче. Сè убаво измешајте и додадете го остатокот од напитокот во тенџерето. Гответе околу 5 минути на средна температура со постојано мешање додека сосот не се згусне.

Мусака:

• 3 средни модри патлиџани
• 3 лажици dmBio маслиново масло
• сол
• свеж магдонос или босилек

Излупените модри патлиџани исечкајте ги на прстени, посолете ги и премачкајте ги со маслиново масло. Пржете ги од двете страни да добијат боја и да омекнат.

Загрејте ја рерната на 180 степени. Наредете половина од модриот патлиџан во сад за печење (околу 18-20 см во дијаметар). Прелијте го со целото тофу и доматен сос, потоа покријте го со остатокот од модриот патлиџан. Одозгора рамномерно распоредете го бешамелот и печете околу 40 минути, додека бешамелот не порумени. Украсете со магдонос или босилек пред сервирање.