Празничен колач со суво овошје

Фантастичен колач инспириран од сувото овошје, кое во комбинација со рум, кафе, цимет и мускатно оревче дава незаборевен вкус!

Потребни состојки:

-    30 г путер на собна температура
-    250 г dmBio кафеав шеќер од шеќерна трска
-    4 јајца
-    360 г брашно тип 550
-    ¼ лажичка сол
-    1 лажичка органски dmBio цимет
-    ½ лажичка мускатно оревче
-    300 г суво грозје
-    300 г суви смокви
-    200 г dmBio суви урми
-    200 г суви сливи
-    100 г dmBio суво манго
-    100 г индиски ореви
-    150 мл рум
-    30 г сварено dmBio еспресо

Подготовка:

Исечкајте го на ситни парченца сувото овошје, како и индиските ореви. Измешајте го кафето со 120 мл рум и овошјето и оставете го да се маринира, додека ги подготвувате останатите состојки. Доколку се сетите овошјето да го потопите во рум и кафе 12-24 часа порано, ќе биде уште поубаво.

Убаво обложете го калапот со хартија за печење. Во една здела, со миксер изматете го путерот и шеќерот додека не добиете кремаста смеса, а потоа додадете ги јајцата – едно по едно. Кога смесата ќе биде убаво изматена – додадете цимет, мускатно оревче и сол, а потоа и брашно – малку по малку. На крај додадете ги индиските ореви и сувото овошје. Ќе добиете многу густа смеса.

Ставете го тестото во калапот и печете вака:

1. Рерната загрејте ја убаво на 180 степени.
2. Ставете го калапот во рерна (во средината). Вклучете го вентилаторот (доколку имате), намалете ја температурата на 160 степени и печете 35 минути.
3. Потоа намалете ја температурата на 130 степени и оставете го колачот да се исуши уште 1 час (или 1.5 час, доколку сакате да има потврда надворешност)
4. После тоа, извадете го колачот од калапот и сушете го уште околу 1 час на 120 степени. Ќе знаете дека е печен кога чачкалицата со која ќе проверите, ќе биде сува.

Кога ќе се испече, извадете го од рерна и вратете го во калапот – па прекријте го со дебела крпа, како поспоро би се изладил и не би се исушил. Неопходно е целосно да се излади пред да го ставите во фрижидер. Колачот може да го чувате во затворен сад на ладно, неколку недели.