Посни шведски ќофтиња со шампињони

Шведските ќофтиња станаа популарни пред неколку години, и секако се подготвува онаа стандардна верзија со месо. Оваа посна алтернатива со ориз и шампињони е многу интересна!

Потребни состојки за ќофтињата:

• 200 г басмати ориз
• 1 среден по големина кромид
• 300 г шампињони
• 2-3 лажици dmBio соја сос
• 2 полни лажици dmBio мелено ленено семе
• 1 лажица сув магдонос
• ½ лажичка мускатно оревче
• 1/3 лажичка бел бибер
• 1/3 лажичка црн бибер
• 2 лажици dmBio маслиново масло + за пржење
• сол
• 50-60 г лебни трошки

Потребни состојки за сосот:

• 2 лажици dmBio маслиново масло
• 2 рамни лажици брашно тип 550
• 2 лажици dmBio супа од зеленчук во прав
• 240 г dmBio неутрална павлака за готвење со овес
• 3 лажици соја сос
• 1 полна лажица средно лут dmBio сенф
• 1/3 лажичка бел бибер
• сол по вкус
• свеж магдонос
• за сервирање: dmBio фарфали

Подготовка

Сварете го оризот во солена вода, процедете го остатокот вода и оставете го да се излади. Во 300 мл врела вода растворете го правот за супа од зеленчук. Потопете го лененото семе во 4 лажици вода и оставете го да набабри и да се згусне.

Исечкајте ги кромидот и печурките и гответе ги на маслиново масло, додека кромидот смекне, печурките да добијат малку боја и да испари водата. Кога печурките ќе се изладат, ставете ги во блендер со соја сосот, па блендирајте додека добиете смеса како паштета. Спојте ја пастата од печурки, ленено семе и ориз – и мешајте (во сецко или блендер) додека оризот стане поситен и да добиете хомогена смеса. Ставете ги и преостанатите зачини, па повторно измешајте.

Од оваа смеса направете мали топчиња. Работете со масни раце – иако се лепи, полесно се обликува. Пржете ги ќофтињата на средна температура, на маслиново масло, за однадвор да добијат боја. Ако тавата за пржење е мала, пржете неколку пати, за да не ви се исполни тавата многу. Кога ќофтињата се готови, подгответе го сосот.

Загрејте маслиново масло и пропржете го брашното. Постепено додавајте од супата со зеленчук, со постојано мешање, па гответе неколку минути додека се згусне. Додадете ја павлаката за готвење, соја сос, сол, бибер и сенф. Сосот треба да биде густ, но не премногу – па доколку има потреба, додадете малку вода. Пробајте и додадете зачини доколку треба.

На крајот, ставете ги ќофтињата во сосот, измешајте и ставете магдонос. Сервирајте со тестенини по избор – ние овој пат се одлучивме за фарфали.