Пита со спанаќ

Потребни состојки:

• 150 г брашно од крупник
• 100 г ‘ржано брашно
• 1 dmBio прашок за печиво
• 3 јајца
• 100 мл dmBio сончогледово масло
• 200 мл млеко
• едно пакување baby спанаќ
• 250 г фета сирење
• 25 г dmBio семки од сончоглед
• 25 г dmBio ленено семе

Подготовка

Спанаќот исечкајте rо многу ситно за да изгледа како да сте го блендирале. Исечкајте ја и фетата на мали коцкички – може и да ја изроните, но поубаво е кога се гледаат парчиња сирење во питата.

Во длабок сад, измешајте ги сите суви состојки: двата вида брашно и прашокот за печиво. Во сад за матење, изматете ги јајцата, па додадете масло и млеко. Помешајте ги јајцата со сувите состојки и ќе добиете смеса која е малку погуста од смесата за проја.

Сега додадете го спанаќот, сирењето, лененото семе и семките од сончоглед. Мала количина семки оставете за одозгора.

Ставете ја смесата во сад за печење (може да поставите доколку сакате и хартија за печење), рамномерно распределете го тестото и посипете го со семките. Печете во загреана рерна на 170 степени, околу 45 минути. Кога питата ќе добие златна боја, а чепкалката за заби ќе излезе сува кога ќе боцнете – тогаш е готова.

Истата оваа смеса, секако може и да ја печете во калап за мафини – а питата одлично оди во прилог со класичните прилози: зеленчук, ајвар, млеко или јогурт.