Корејски пикантен тофу бургер

Можеби не очекувате премногу од веге бургер и можеби мислите дека не може да ве воодушеви? Тука сме ние да ве предомислиме! Корејски лут сос, во комбинација со димено тофу и сусам ја менува приказната.

Потребни состојки за сосот:

• 2 лажици мед
• 2 лажици срирача сос или друг лут сос
• 2 лажици вински оцет
• 1/3 лажички лук во прав

Измешајте ги сите состојки и ставете ги во ладилник.

Потребни состојки за тофу плескавиците

• 80 г dmBio овесни снегулки
• 200 г dmBio тофу
• 50 г dmBio сечкани индиски ореви
• 1 сечкан кромид
• 3 сечкани чешниња лук
• 2 лажици срирача сос или друг лут сос
• 1 полна лажица мед
• 1 лажица соја сос
• 1 лажица масло од сусам
• сусам
• масло од сусам за пржење

Подготовка

Прво сомелете ги во сецко или во блендер овесните снегулки. Извадете ги, па сомелете го тофуто, индиските ореви и сите останати состојки. Кога ќе биде готово, спојте ги со овесните снегулки и формирајте 4 плескавици. Ставете сусам во чинија и извалкајте ги плескавиците. Испржете ги на масло од сусам околу 6-7 минути од секоја страна.

Потребни состојки за сервирање:

• 4 лепчиња за бургер
• зелена салата
• веган мајонез
• кисела зелка

На лепчињата ставете мајонез, па зелена салата, потоа плескавиците, прелијте со сос, ставете зелка и послужете.