Печени крофни со цимет

Ако вашата идеја за десерт не вклучува желба за пржено тесто во многу масло – ова е одличен рецепт!

Потребни состојки:

• 210 г брашно тип 405
• 100 г шеќер од шеќерна трска
• 5 лажички dmBio прашок за печиво
• прстофат сол
• ½ лажичка цимет
• ½ лажичка мускатно оревче
• 1 поголемо јајце
• 1 лажичка екстракт од ванила
• 120 мл млеко
• 65 г путер

Подготовка

Загрејте ја рерната на 175 степена и намачкајте калап за мафини (или калап за крофни). Може да користите и хартиени корпички.

Во една поголема чинија измешајте ги сите суви состојки: брашно, шеќер, прашок за печиво, сол, цимет и мускатно оревче. Во друга помала чинија изматете ги останатите состојки: јајцето, ванилата, млеко + растопен и изладен путер. Спојте ги овие состојки со сувите – не треба долго да се меша, само додека се соединат. Наполнете ги калапите до ¾ во висина и печете околу 20-25 минути. Изладете неколку минути пред да ги извадите од калапот.

Потребни состојки за украсување:

• 60 г шеќер од шеќерна трска
• 2  лажички цимет
• 70 г путер

Во длабока чинија измешајте го шеќерот и циметот. Во друга чинија стопете го путерот. Потопете ја крофната во путерот, а потоа превртете ја во шеќерот со цимет.

Послужете со dmBio крем од лешник, ако некој помисли дека на путерот и циметот им недостасува чоколаден вкус.