Овесни корпички со бадеми

Овој десерт не е претерано сладок и преполн е со јаткасти плодови. Доколку сакате посладок вкус, секако при сервирањето може да ставите повеќе јаворов сируп!

Потребни состојки за тестото:

• 125 г dmBio овесни снегулки
• 50 мл dmBio кокосово масло
• ½ лажица dmBio јаворов сируп

Подготовка:

Сомелете ги овесните снегулки додека не станат како брашно и додадете ги останатите две состојки. Направете тесто и поделете го на 8 топчиња. Секое топче развлечете го во калапот за мафини, за да има облик како кора за тарт.

Потребни состојки за филот:

• 50 г dmBio бадеми
• 1-2 лажички dmBio прашок за печиво
• прстофат сол
• ½ лажица мелено ленено семе
• ½ лажица dmBio јаворов сируп
• 1 полна лажица dmBio кокосово масло
• 2 лажици dmBio напиток од бадем

Подготовка

Лененото семе измешајте го со ½ лажица вода и оставете го 10 минути да отстои. Сомелете ги бадемите. Измешајте ги сите состојки и добиениот фил распоредете го преку корите, кои се во калапот за мафини.

Потребни состојки за топингот:

• 60 г сечкани бадеми
• 2-3 лажици dmBio јаворов сируп
• 1-2 лажички dmBio цимет
• 1-2 лажички мелен кардамом (или уште цимет)
• 1 лажица ружина вода (или сок од портокал)

Подготовка

Измешајте ги наведените состојки и распоредете ги преку филот кој е во корпичките.

Печење: Загрејте ја рерната на 180 степена и печете околу 15 минути. Оставете ги корпичките комплетно да се изладат, пред да ги извадите од калапот.