Овесен колач со боровница и банана

Сите во лето сакаме десерт кој е лесен и не е претерано сладок. Овој колач е токму таков! Погледнете кои состојки ви се потребни и како да го подготвите.

Потребни состојки за тестото:

• 180 г dmBio овесни снегулки
• 100 г бадемово брашно
• 110 г сомелени овесни снегулки
• 1 банана
• 70 г dmBio оризов сируп
• 60 мл dmBio кокосово млеко
• 2 лажички dmBio прашок за печиво

Подготовка

Изгмечете ја бананата, па измешајте ги сите состојки за тестото – рачно или со миксер.

Потребни состојки за овошниот фил:

• 400 г боровници
• 60 г dmBio шеќер од шеќерна трска
• 3 лажици сок од лимон
• 20 г чиа семе
• 3 лажици густин
• 70 мл вода

Подготовка

Измешајте ги сите состојки за овошниот фил и отпосле вклучете ја ринглата. Гответе неколку минути за да се згусне. Оставете да се излади.

Потребни состојки за кремастиот фил:

• 340 мл dmBio кокосово млеко
• 150 мл вода
• 40 г густин
• малку куркума
• 30 г шеќер
• екстракт од ванила

Подготовка

Исто како и претходно, ставете ги сите состојки во сад за готвење, измешајте ги и потоа може да ја вклучите ринглата. Гответе на средна температура со постојано мешање, за да не се направат грутки. Оставете само малку да се излади и вклучете ја рерната на 180 степена додека го подготвувате колачот.

Последни чекори:

• dmBio кокосово масло

Загрејте ја рерната на 180 степена, а калапот со големина 18х28 или 20х20 обложете го со хартија за печење и подмачкајте со малку кокосово масло. На дното распоредете 2/3 од тестото и направете кора, а останатиот дел од тестото е потребен за подоцна.

Ставете ги боровниците преку кората, а потоа распоредете го кремот. Останатиот дел од кората во мали парченца ставете го преку кремот, како класичен ,,crumble’’. Печете околу 20-25 минути. Колачот се сече и се служи откако добро ќе се излади во ладилник.