Мини dmBio пицички

Ви треба идеја за вкусна закуска за вашата прослава, а сепак тоа да изгледа убаво и истовремено вкусно? Овие мини пицички се одлична идеја!

Потребни состојки:

• 1 кг брашно
• 2 пакетчиња сув квасец
• 3 лажици шеќер
• 2 лажички сол
• 7 лажици масло за јадење
• 700 мл млака вода
• 150 г dmBio гриз
• dmBio доматен сос
• 350 г свежи шампињони
• 1 пакетче dmBio веган пармезан
• 300-400 г рендан кашкавал
• dmBio италијански зачин
• dmBio маслиново масло
• салама и останат фил по желба

Подготовка

Најпрво замесете тесто од брашното, сувиот квасец, шеќерот, солта, маслото за јадење и водата. Тестото ќе биде доста лепливо, па најдобро ќе биде да го мешате со дрвена лажица додека не биде убаво измешано (измесено).

Оставете го на собна температура да нарасне околу 1 час. Со набрашнети раце земете мали делови од тестото и на работна површина врз гриз оформете ги мини пицичките. Секое парче мини пица премачкајте го со доматен сос, додајте свежи шампињони, вегански пармезан, рендан кашкавал и останатиот фил по желба. Зачинете со италијански зачин и печете ги мини пицичките во загреана рерна на 180 степени околу 15-20 минути. Пред сервирање полејте малку маслиново масло и уживајте.