Медитерански гулаш од лигњи, гамбори и наут

Со овој предлог за главно јадење нема да погрешите, а мирисот и вкусот ќе ве одведат на море - и тоа среде зима. Плус, во прашање е поздрава медитеранска храна, која копнее по убаво вино, што ќе го комбинирате со храната.

Погледнете во продолжение како да го подготвите.

Потребни состојки:

• 20 мл dmBio маслиново масло
• 1 кромид
• 2 парчиња праз (само белиот дел)
• 200 г целер
• 2 dmBio вегански колбаси
• 1 лажица чадена мелена пиперка
• 400 г домат во конзерва
• 200 мл црвено вино
• 250 мл супа направена од 1 dmBio коцка
• 400 г наут од тегла
• 400 г лигњи
• 200 г гамбора
• 1 лажица сок од лимон
• свеж магдонос
• за сервирање: њоки

Подготовка:

Кромидот и целерот, како и лукот ситно исечкајте ги. Исечете го празот на што потенки „полумесечини“. Исцедете ја теглата со наут. Ако сте купиле гамбори со лушпа, излупете ги - исечете ги на половина или третини. Исечете ги лигњите на прстени.

Загрејте го маслиновото масло во поширока и поплитка тава (како за рижото) - потоа пропржете ги кромидот и целерот додека не омекнат. Додадете го лукот и празот и мешајте додека целиот зеленчук целосно не омекне. Додадете го сечканиот колбас и една лажичка чадена пиперка.

Истурете ја конзервата со домати и исплакнете ја внатрешноста на конзервата со вино, а потоа истурете го виното во тенџерето. Гответе на средна топлина за да испари алкохолот. Потоа додадете ја супата и наутот, посолете малку и варете околу 30 минути додека не се свари и згусне сосот.

Кога сосот е готов, додадете ги лигњите и гамборите. Убаво измешајте ги за да бидат целосно во сосот и варете уште 5 минути. На самиот крај на готвењето - прилагодете ги зачините, додадете ситно сечкан магдонос и сок од лимон. Послужете со сварени њоки и послужете веднаш.