Малфати во сос од песто со авокадо

Малфатите се италијански кнедли од рикота и спанаќ. Тие ги содржат сите состојки кои вообичаено би оделе во равиоли, поради што се нарекуваат и „отворени равиоли“. Овој рецепт ја слави природата - со спанаќ и босилек, со одбрани вкусови на италијански сирења, како и здрави масти од маслиново масло и авокадо.

Состојки за кнедли:

• 250 г рикота
• 300 г спанаќ
• 2 јајца
• 130 г брашно
• 100 г пармезан
• прстофат морско оревче
• 1 dmBio лажичка мешавина од италијански зачини
• сол

Потопете го спанаќот во зовриена вода и почекајте да „падне“. Веднаш процедете го и исплакнете со ладна вода за целосно да се излади. Сега доаѓа единствената тајна поради која некому не му успеваат малфатите: рикотата и спанаќот добро треба да се исцедат. А потоа, кога буквално ќе се преполови спанаќот, тогаш исечкајте го поситно.

Исто така добро исцедете ја рикотата. Ако немате газа за да ја исцедите со раце, тогаш ставете ја во цедалка - и веќе знаете: стискајте со рацете додека не помислите дека нема повеќе вода. Измешајте ги спанаќот, рикотата и пармезанот - само малку да се одвои сечканиот спанаќ. Потоа додадете ги останатите состојки и измешајте. Малфатите се мешаат со рака. Сега можете да формирате топчиња. Оставете ги во ладилник додека го подготвувате сосот.

Состојки за сос:

• 1 големо авокадо или 2 помали
• dmBio песто сос
• околу 20 мл dmBio маслиново масло

Откако кнедлите ќе се стврднат во ладилник, се готват со потопување во вода која е добро загреана, но не и зовриена - за да не се распаднат. Се готви како и секоја друга кнедла додека не исплива на површина, а потоа уште неколку минути.

Декорација:

• рукола и лимета