Лосос во кора од бадем и црвен ориз

Овој рецепт, освен што е здрав и посен – погоден е и за оние кои се помалку снаодливи во кујна, затоа што е лесен! Подготовката е едноставна, а состојките се внимателно одбрани.

Потребни состојки за црвениот ориз:

• 100 г басмати ориз
• 1 тегла dmBio цвекло
• 1 среден кромид
• 2 чешниња лук
• ½ лажичка мелен ѓумбир
• ½ лажичка кумин
• ½ лажичка коријандер
• чили по вкус
• сол и бибер
• 2 лажици dmBio маслиново масло
• 1 dmBio коцка за супа

Подготовка на црвениот ориз

Исцедете го цвеклото и иситнете го – најдобро е во сецко или во блендер. Растворете ја коцката во 2 шолји топла вода. Ситно исечкајте го кромидот и пропржете го на маслиново масло за да омекне. Пред крај, додадете му го исечканиот лук и сите зачини – освен сол. Додадете го цвеклото и оризот, па ставајте од супата малку по малку. Немојте веднаш да ја ставате цела вода, за да не остане многу кога ќе биде оризот готов. Пред крај, проверете го вкусот и коригирајте ги зачините. Доколку готвите однапред, поклопете и почекајте да се излади пред да го ставите во ладилник.

Потребни состојки за лососот:

• филета лосос околу 1 кг
• 2 лажици dmBio средно лут сенф
• 2 полни лажици dmBio италијански зачин
• околу 90 г  бадеми
• сол
• лимон

Подготовка на лососот

Ставете ги бадемите во блендер или сецко и иситнете ги. Додадете го италијанскиот зачин, па повторно иситнете уште малку. Филетата лосос ставете ја на онаа страна која има кожа, а горната страна посолете ја и премачкајте ја со сенф. Ставете го миксот од бадеми и зачин, па убаво намачкајте врз во лососот, за да се создаде кора.

Префрлете ја рибата на решетка за печење (или во тава обложена со хартија за печење) и печете околу 20 минути во претходно загреана рерна на 180 степена. На крај, малку испрскајте ја кората со сок од лимон и сервирајте со црвениот ориз.