Летен колач со овошје и чоколадни палачинки

Чоколадно, кремасто, овошно, добро изладено – и не претерано слатко! Одличен десерт за топлите денови. Погледнете како да го подготвите.

Потребни состојки за палачинките:

• 2 јајца
• 3 лажици шеќер
• екстракт од ванила
• прстофат сол
• 300 мл млеко
• 180 г брашно тип 405
• 20 г dmBio какао во прав
• 200 мл вода
• 2 лажици dmBio сончогледово масло + за пржење

Подготовка

Изматете ги јајцата со шеќерот, ванилата и малку сол. Додадете вода и малку млеко, какао и брашно – па соединете ги состојките. Додадете го останатиот дел од млекото. Оставете да отстои 20 минути. Испржете ги палачинките во тавче за пржење со пречник 20-22 цм.

Потребни состојки за филот:

• 2 кесички (20 г) желатин + 100 мл вода
• 700 г кисела павлака (на собна температура)
• екстракт од ванила
• 120 г шеќер во прав

Подготовка

Калап со добро околу 18-20 цм обложете го со проѕирна или ацетатна фолија.

Растворете го желатинот во вода и оставете го нека отстои. Во половина од павлаката додадете го желатинот и добро соединете. Потоа додадете ја ванилата и шеќерот во прав. Кога ќе биде добро изматено, ставете ја останатата павлака и промешајте.

Останати состојки:

• околу 300 г праски од компот
• околу 200 г вишни од компот

Одвојте околу 7-8 палачинки и во секоја ставете околу 2 лажици крем, малку исечкани праски и малку вишни.

Во калап за торта ставете на дното една или повеќе палачинки, па премачкајте со малку крем. Потоа сите од оние 7-8 палачинки склопете ги како вреќички и ставете ги во калапот.

Наредените вреќички од палачинки посипете ги со останатите праски и вишни, а потоа и крем. Добро притиснете и замотајте во фолија. Изладете за убаво да се стегне, идеално е да тоа да се направи во текот на една цела вечер.

Потребни состојки за глазурата:

• 100 г dmBio црно чоколадо
• 2 лажици млеко
• 10 г путер

Подготовка

Загрејте го чоколадото, путерот и млекото, промешајте и изладете. Извадете го добро изладениот колач од ладилник и прелијте го со чоколадо. Повторно вратете го во ладнилник. Овој колач се служи добро изладен!