Колач со егзотична глазура

Превкусен колач кој се подготвува со гриз и има прекрасни слоеви на ровко тесто, слој џем од малини и вкусна чоколадна глазура со арома на кокос. Погледнете како да го подготвите!

Потребни состојки:

• 6 јајца
• 200 г шеќер
• 500 г dmBio гриз
• 6 лажици брашно
• 150 г мелени ореви
• 1 пакетче dmBio прашок за печиво
• 150 г растопен путер
• 300 мл dmBio напиток од индиски ореви
• 1 тегла dmBio џем од малини
• 150 г чоколадо за готвење
• 3 лажици dmBio кокосово масло

Подготовка

Изматете ги јајцата заедно со шеќерот околу 10 минути додека волуменот на јајцата не се зголеми. Додајте го млекото, растопениот путер, мелените ореви, гризот и брашното. Додајте го прашокот за печиво и промешајте додека не добиете изедначена смеса. Префрлете во тава за печење обложена со хартија за печење и печете во загреана рерна на 180 степени околу 35-40 минути.

Откако ќе се испече, премачкајте го колачот со џемот од малини и оставете да се излади. За тоа време растопете го чоколадото и кокосовото масло во течна глазура и премачкајте го целиот колач со чоколадната глазура.