Ориентална киноа со зеленчук и леблебија

Потребни состојки:

• 2 лажици dmBio маслиново масло
• 2 помали кромида, ситно сечкани
• 1 помал морач, исечкан на ситни коцки
• 4 чешниња лук, исечкани
• 2 лажици црвен пипер
• 1 лажичка кумин
• 1 рамна лажичка оригано
• Сол и бибер по вкус
• Околу 125 г dmBio тробојна киноа
• 400 г пелат од конзерва
• Околу 250 мл вода или супа од зеленчук
• 1 тегла зготвена dmBio леблебија во тегла
• Сок од ½ поголем лимон
• Свеж магдонос

Подготовка:

Ставете го маслиновото масло во сад за готвење со средна големина, загрејте го и испржете го кромидот. Кога ќе биде полу-пржен, додадете го коморачот и лукот, па се‘ заедно пропржете. Потоа, во садот додадете ги зачините: кумин, оригано, чили, црвениот пипер, солта и биберот. Откако ќе ги промешате сите овие состојки, додадете ја киноата.

Откако и киноата ќе ја пропржите кратко, ставете ја водата (или супата) – како и пелатот. Поклопете го садот и гответе на средна температура со повремено мешање, околу 20 минути, додека киноата е готова.

Додадете ја леблебијата, намалете ја темепратурата и гответе уште 5-10 минути. На крај, додадете сок од лимон и сечкан магдонос. Послужете го топло или на собна температура.