Фалафел во едноставен и брз кари сос

Ручек кој се подготвува за брзо време и има само неколку состојки! Погледнете како да подготвите превкусен оброк, со неодолив мирис.

Потребни состојки:

• 1 пакување dmBio смеса за фалафел
• 1 лажица dmBio кокосово масло
• 1 сечкан кромид
• 1 лажичка dmBio куркума
• 1 лажичка ѓумбир во прав
• 1 лажичка кумин
• 2 лажички гарам масала
• сол и чили по вкус
• 4 чешниња лук исечкани
• 1 конзерва сечкан домат (240 г)
• околу 100 мл вода
• околу 250 мл dmBio кокосово млеко
• магдонос

Подготовка

Прво подгответе го сосот... на кокосово масло испржете го кромидот. Потоа додадете ги сите зачини, а кога ќе се испржи ова, додадете го лукот. Ставете го доматот, а конзервата исплакнете ја со малку вода, па додадете ја и таа течност. Поклопете, малку намалете ја температурата и оставете го сосот да се вари. Подоцна, тргнете го капакот за водата да може да испари.

За ова време, подгответе го фалафелот според упатството на кутијата. Потоа формирајте топчиња и испржете ги на кокосово масло. Кога ќе се редуцира сосот и ќе стане густ, ставете го испржениот фалафел во сос. Декорирајте со магдонос и останатото кокосово млеко. Ова добро се комбинира со пире, ориз или само со салата.