Посна оброк салата со фалафел - од кујната на Марија Кочовска

Состојки

за 4 Порции (4 порции салата)

За салата

• 175 г dmBio смеса за фалафел

• 200 мл врела вода

• 1 чаша dmBio кускус

• 1 чаша врела вода

• ½ сечкана краставица на коцки

• ½ главица сечкан црвен кромид

• ½ чаша сечкан магдонос

• 10 сечкани каламата маслинки

• 1 сечкан домат

За дресинг

• ¼ чаша маслиново масло

• 1 лажичка сенф

• ¼ мала лажичка мелен црн пипер

• 1 чешне рендан лук

• Сок ½ лимон

• Сол по вкус

Подготовка

Насоки

1. Смесата за фалафел ставете ја во длабок сад. Додајте ја врелата вода и измешајте. Оставете ја смесата 10 минути. Формирајте топчиња, премачкајте ги со масло и печете ги во рерна околу 30 минути на 200 степени (по 15 минути се превртуваат).

2. Во длабока чинија ставете го кускусот. Додајте ја врелата вода и измешајте. Покријте со капак или најлонска фолија. Оставете го 10 минути додека ја упие течноста. Измешајте со вилушка.

3. Припремете го дресингот. Во мала чинија ставете ги состојките и измешајте.

4. Во чинијата со кускусот ставете ги зеленчуците. Додајте го дресингот и измешајте.

5. На крај додајте го фалафелот.