Енергетски барови направени од урми, кикиритки и брусница (без печење)

Енергетски барови направени од урми, кикиритки и брусница (без печење) - Најважната забелешка за овој вкусен и многу едноставен е дека може да биде 100% веган.

Потребни состојки:

• 500 г свежи исчистени урми
• 60 г dmBio путер од кикиритки
• 30 г dmBio какао
• 120 г dmBio бисквити од путер и крупник
• 50 г брусница
• 50 г крупно сечкани кикиритки

Подготовка

Урмите, путерот од кикиритки и какаото ставете ги во блендер и изблендирајте за да добиете леплива паста. Префрлете ги во сад и додајте ги искршените бисквити, брусницата и кикиритките. Измешајте со раце (користете ракавица) за да се соединат сите состојки и рамномерно измешајте. Со проѕирна фолија или хартија за печење обложете калап со димензии 20 x 20 цм и премачкајте ја масата. Можете да го покриете со друга хартија за печење и да направите рамна површина со помош на чаша или било што друго што личи на „мини сукало“ .

Потребни состојки за глазурата:

• 80 г dmBio темно чоколадо
• 20 г dmBio путер од кикиритки

За декорација: dmBio сируп од урми

Подготовка

Растопете го чоколадото (може да се растопи во микробранова печка) и измешајте го со путерот од кикиритки. Добро измешајте и прелијте го колачот. Оставете да се излади најмалку еден час. Се сече на коцки и секое парче засладете го со малку сируп од урми пред послужување.