Домашен леб со овесни снегулки

Подготовката на домашен леб, кој изобилува со хранливи состојки, не треба секогаш да претставува комплициран процес. Споделуваме со вас рецепт подготвен со интегрално брашно и овесни снегулки со никулци. Совршено за благи или солени појадоци и вечери.

Потребни состојки:

• 250 г интегрално брашно
• 400 г dmBio овесни снегулки
• 1 пакетче dmBio екстракт за кисело тесто
• 1 пакетче сув квасец
• 1 лажичка сол
• 1 лажица шеќер
• Околу 300-350 мл вода (да се замеси тестото)
• dmBio намаз со чили и пиперка

Подготовка

Во длабок сад, ставете ги сите состојки и со помош на дрвена лажица промешајте сè, додека не добиете соодветна смеса. Замесете тесто и оставете го да стаса околу 90 минути на собна температура. Оформете векна од стасаното тесто и префрлете ја во тава за печење обложена со хартија за печење.

Печете во загреана рерна на 190 степени, околу 35-40 минути.

Сервирајте со dmBio намаз од чили и пиперка!