Банофи пита

Доколку сте љубители на слатките задоволства, овој десерт со сигурност ќе ви стане омилен!  Брзо се подготвува, не се пече и е превкусен!

Потребни состојки за кората:

• 80 г овесни снегулки
• 75 г бадеми
• 70 г свежи урми
• 60 г стопено dmBio кокосово масло
• 25 г dmBio путер од кикирики
• прстофат сол

Подготовка на кората

Калапот кој ние го користевме е четвороаголен калап за тарт со димензии 11х34 цм. Може да се направи и во округол калап со пречник 20-22 цм.

Сомелете ги во блендер овесните снегулки и бадемите. Додадете ги сите останати состојки и изблендирајте сè заедно. Обложете го калапот за тарт со проѕирна фолија и распоредете ја кората. Убаво обликувајте и оставете да се лади во замрзнувач, додека го подготвите филот.

Потребни состојки за филот:

• 160 г свежи урми, без семки
• 50 г dmBio индиски ореви
• 40 г dmBio путер од сусам
• 150 мл dmBio кокосово млеко
• екстракт од ванила
• прстофат сол
• 50 г dmBio стопено кокосово масло

Подготовка на филот

Сите состојки ставете ги во блендер и добро соединете, за да добиете крем. Ставете го преку изладената кора и повторно ставете во замрзнувач.

Потребни состојки за украсување:

• билен шлаг или кокосова павлака
• 3 банани
• малку сок од лимон
• една шака сечкани кикирики
• dmBio црно чоколадо
• прелив од карамела

Исечкајте ги бананите на крукчиња, малку подебели. Прелијте ги со сок од лимон за да не потемнат и ставете еден тенок слој шлаг, за да не се исушат. Изладете го колачот во ладилник. Кога ќе биде време за сервирање, додадете шлаг. Декорирајте со сечкани кикирки, црно чоколадо и прелив од карамела.