Се бориме против нечистотиите: Ова треба да го исчистите темелно!

Покрај заштитна маска, ракавици и редовно миење раце: Темелната хигиена во домот е навистина важна!

Темелно миење на рацете и правилна етика при кивање се едно, но темелна хигиена во домот во време на вируси е нешто сосема друго. Бактериите и вирусите не се наоѓаат само на нашите раце, туку и на места кои се често фреквентни во домот. На ова треба посебно да внимавате...

Мобилен телефон, тастатура, далечинско

Во просек гледаме во нашиот мобилен телефон 88 пати во еден ден. Со тековната ситуација и работата од дома, можеби и многу повеќе. Ова се многу можности, бактериите и вирусите да се пренесат од рака на телефонот, а потоа да завршат на нашето лице.
Исто толку фреквентни се и тастатурите од нашите компјутери и лап-топи. Малку помалку во просек се служиме со далечинскиот управувач за телевизорот. Но како и да е, за двата случаи важи истото – редовно чистење ја намалува можноста за ширење на вируси и бактерии.

Прекинувачи за светло и кваки

Овие 2 предмети во нашиот дом се често допирани, па од таа причина треба да бидат и темелно исчистени. Истите ги допираме и пред и откако ќе ги измиеме рацете. Без да ги допреме овие предмети воопшто не можеме ни да пристапиме за да ги измиеме рацете.
За чистење на овие површини најчето се доволни и обичните средства за чистење, кои, според Германскиот центар за здравствено образование, уништуваат и до 90% од бактериите. 

Славината од чешмата

Колку почесто ги миете рацете, толку славината е повалкана. Но, да бидеме искрени: Колку често ја миеме истата? Треба навистина да обрнуваме повеќе внимание на хигиената на овие работи, да ги чистиме редовно, бидејќи истите најчесто ги допираме со валкани раце.
Дополнително: Големо собиралиште на вируси се и крпите и сунѓерите, доколку истите не ги менуваме често и не ги переме на минимум 60 степени.