Шминки од брендот AURA 

Невидливата светлина околу Vашето тело, преку која ја чувствувате вистинската љубов и среќа во животот, има име - AURA. Светлината на зората и златото што сјае имаат име  - AURA. 

Инспирирана од флуидната светлина и сјајот на зората, поттикната од женската убавина и силната желба за работа и креативност, Мила Литвињенко во 1996 година во Ниш, Србија ја создава својата AURA, компанија за производство и промет на козметика. 

Уште од самиот почеток, оваа жена „змеј“ својата аура преку козметичките производи ја пренесува и во Македонија, каде што ја основа својата дистрибутивна компанија „Аура Груп“. 

Благодарение на нејзиното знаење, упорност и креативност, претставништвото во Скопје успешно опстојува повеќе од 25 години, нудејќи на македонските жени висококвалитетна декоративна козметика по пристапни цени. 

Компанијата развива и произведува широк асортиман производи за шминкање, вклучувајќи производи за усни, лице, очи и нокти, следејќи ги современите трендови и потребите на потрошувачите. Посебно внимание се посветува на квалитетот на суровините, безбедноста на производите и континуираното унапредување на производните процеси во согласност со меѓународните стандарди. 

Благодарение на силниот фокус на развојот на производите, сигурната дистрибуција и блискиот однос со потрошувачите, AURA изгради доверба кај милиони корисници низ регионот. Денес брендот е присутен на бројни пазари во Југоисточна Европа и продолжува да го проширува своето работење преку иновации, одговорно работење и посветеност на убавината што инспирира самодоверба.