Сподели и отпечати

color #000000
color #000000

Пет навики во служба на убавината!

Иако убавината во денешно време највеќе се поврзува со make up најновите колекции, ништо неможе да ја надмине природната убавина на која притоа и ние самите можеме многу да и помогнеме. 

Изградете навики кои се најдобри слуги на убавиот изглед, пробајте да се придржувате до нив и ќе ве изненади одразот во огледалото... 

Во здраво тело, здрав дух.... 

1.       Сон 

Англискиот термин “beauty sleep” не се користи без причина. Сонот го одмора организмот и ја опушта напната кожа која се обновува за време на сонот. Непреспиените ноќи ќе бидат веднаш видливи на вашето лице. Затоа отспијте ги Вашите осум саати или колку и да Ви е потребно. 

2.       Опуштање 

Стресот е тивок убиец кој полека но успешно ја нарушува состојбата на организмот како и изгледот на лицето и телото. Пронајдете свој начин на опуштање ...долготрајна купка, масажа, друштво на пријатни луѓе. Најдете неколку минути за себе и ќе се чувствувате многу подобро и секако ќе изгледате многу поубаво. 

3.       Исхрана 

Многу е важно да не го прескокнувате доручекот, на тој начин го ангажираме метаболизмот и го ставаме во работен ритам. 

Секогаш подобар избор се лесните намирници, некоја врста супа, јадења со ориз, зеленчук, овошје и јогурт. Избегнувајте мрсно и благо, иако не е забрането да се почастите со некој колач и на тој начин да се развеселите. 

Не заборавајте да пиете големо количество на вода! 

4.       Вежбање 

Пронајдете го она што ви одговара, нешто што ве интересира и Ве прави среќни и вежбајте! 

Со вежбање телото лачи повеќе ендрофин и прави да се чувствувате подобро. Преку потта ги исфрлувате токсините од организмот, а приотоа сте поцврси, појаки и подобро изгледате. 

5.       Уживајте во животот 

Пробајте да го исфрлите зборот морам од речникот и да ги додадете: љубам, сакам, можам и уживам. Пробајте поголем дел од времето да го правите она што сакате или ако не можете да си го препуштите тоа себе си, извлечете го најдоброто во дадената ситуација. 

Играјте, дружете се и секогаш бидете насмевнати!