Солен тарт со печурки и спанаќ

Посен рецепт за солен тарт, чие тесто е подготвено без путер и јајца! Во филот, иако нема сирење, павлака и јајце – тој е перфектно кремаст!

Потребни состојки за тестото (за калап 20-22 цм):

• 120 г интегрално брашно од крупник
• 50 г тапиока брашно (замена за густин)
• ¾ лажичка гуар или ксантан гума
• ½ лажичка сол
• ½ лажичка dmBio куркума
• 30 г dmBio кокосово масло (на собна температура)
• 90-100 мл напиток од овес

Подготовка

Измешајте ги во сад сите суви состојки. Додадете го кокосовото масло и напитокот и измешајте, а потоа замесете го тестото со раце. Развлечете го тестото врз хартија за печење и префрлете го во калапот. Избоцкајте го дното со вилушка. Ставете одозгора уште една хартија за печење и ставете грав (или нешто слично, кое ќе го притисне тестото) – па печете 15 минути во загреана рерна, на 180 степени.

Извадете го тестото, тргнете ја хартијата за печење и гравот – па ставете го подготвениот фил. Потоа допечете уште околу 25 минути, за филот да добие златна боја.

Потребни состојки за филот:

• 3 лажици dmBio маслиново масло
• 2 помали кромида, ситно сечкани
• 2 чешниња лук, ситно сечкани
• ½ чили пиперка, ситно сечкана
• 200 г шампињони, исечени на тенки листови
• едно пакување baby спанаќ (125 г)
• 400 г dmBio тофу со бадем и лешник
• 50 мл напиток од овес
• 2 лажици сок од лимон
• 3 лажици нутритивен квасец
• 2 лажици интегрално брашно од крупник
• 5 лажички сол
• 5 лажички dmBio куркума
• ½ лажичка сув босилек
• магдонос за сервирање

Подготовка

На масло испржете го кромидот, а потоа додадете го и лукот, чили пиперката и печурките. Кога ќе се пропржат, додадете го спанаќот и почекајте да спласне. Кога сè ќе се испржи убаво, тргнете го садот за готвење од шпорет.

Во блендер, измешајте го тофуто, напитокот од овес и сокот од лимон. Изблендирајте сè додека добиете хомогена смеса и по потреба додадете уште неколку лажици напиток од овес. Треба да добиете мазен крем, кој по густина потсеќа на крем сирење. Додадете го квасецот, брашното, сол, куркума, бибер и босилек – па изматете уште малку. Спојте го кремот со печурките и спанаќот. Ставете го врз полупечената кора и печете до крај (како што е погоре објаснето). Се послужува топло!